Pavlodar oblysyna jumys sapary barysynda májilis depýtattary Aıgúl Nurkına, Anatolıı Boıchın jáne Vera Kım «Zamanaýı mektep» jobasyn iske asyrý aıasynda jóndeý jumystary júrgizilip jatqan Aqsý qalasyndaǵy №4 bilim berý mekemesiniń tynys-tirshiligimen tanysty.
Bul mektep 1967 jyly salynǵan. Qazirgi ýaqytta eki merdiger uıym tolyqqandy jóndeý jumystaryn júrgizýde.
Májilis depýtattary jańalaý kezinde ásirese órt qaýipsizdigi máselesine basa nazar aýdardy.
Bilim berý mekemelerine qatysty jalpy aqparatty alǵa tarta kelip, Anatoıı Boıchın:
– Ótken aptada biz Ertis-Baıan óńiriniń birneshe aýdandaryna baryp, mektepterdi jóndeý jumystaryn kórdik. Balalardyń jan-jaqty damýy úshin fýtbol jáne basketbol alańdary, kóshe trenajerleri, oıyn alańdary sıaqty qosymsha nysandar salynatyny qýantady. Mektepterdegi jóndeý jumystary depýtattar men partıa ókilderiniń baqylaýynda bolady, – dedi.
Bilim basqarmasy basshylarynyń aıtýynsha zamanaýı mektep tek qana kúrdeli jóndeý emes. Sonymen qatar, jańa qural-jabdyqtarmen qamtamasyz etilip, muǵalimderge de, oqýshylarǵa da qajetti jaǵdaı jasalatyn bolady.
Jalpy, 2025 jylǵa deıin oblystyń 82 mektebinde «Zamanaýı mektep» jobasy júzege asyrylady.
Budan bólek, «Amanat» partıasynyń saılaý aldy platformasy negizinde aýyldyq 54 mektepte qaıta jabdyqtaý jumystary júrgizilmek.
Májilistiń baspasóz qyzmeti
Pikir qaldyrý