Qytaı Londonda ótken 2012 jylǵy jazǵy Olımpıada oıyndarynyń chempıony qazaqstandyq Zúlfıa Chınshanlony otanyna qaıtarý úshin áreketterdi jalǵastyratyn bolady. Bul týraly
Russian.china.org.cn. habarlady. Basylymnyń málimetinshe, aýyr atletıkadan qytaı qaýymdastyǵy qazaqstandyq tarapqa eki márte resmı hat joldaǵan, biraq áli kúnge deıin jaýabyn almady. Provınsıanyń aýyr atletıka boıynsha komanda bastyǵynyń orynbasary Hýnan Chjoý Szúnfý málim etkendeı, Qazaqstan Chınshanlony jibermeıtin bolsa, bul másele dıplomatıalyq arnalar arqyly sheshiletin bolady. Eske salaıyq, buǵan deıin qytaılyq BAQ-tarda 22 qazan kúni Chansha qalasynyń Iýıhýa Qoǵamdyq qaýipsizdik basqarmasynda aýyr atletshi qyzymyz QHR-dyń jeke kýáligin resimdep, Qytaı quramasy úshin qaıta óner kórsetýdi oılastyryp otyrǵandyǵy aıtyldy. Oǵan negiz - Z.Chınshanlonyń Qazaqstanmen jasaǵan besjyldyq kelisimshart merziminiń aıaqtalýy. Degenmen, 27 qazan kúni Qytaıdan Qazaqstanǵa oralǵan Olımpıada chempıony ózi týraly qytaılyq buqaralyq aqparat quraldarynda jazylǵandardyń barlyǵy qaýeset ekendigin aıtty. «Qytaıda men týraly jazylǵandardyń barlyǵy ótirik. Men muny Qazaqstanǵa qaıtyp kelýimmen jáne osynda turǵanymmen dáleldedim. Maǵan qoldaý bildirgenderdiń barlyǵyna alǵysymdy aıtqym keledi. Qaıtalap aıtamyn, bunyń bári qaýesetter jáne men bul suraqqa qaıta oralýdy qalamaımyn», - dedi ol.
QazAqparat
Pikir qaldyrý