Jazǵy demalys maýsymynyń bastalýyna baılanysty Qazaqstan azamattaryna el ishinde, sonymen birge shetelde, sondaı-aq sapaly qyzmet kórsetý jáne qolaıly saıahattaýdy qamtamasyz etý maqsatynda Qazaqstan Respýblıkasy Investısıalar jáne damý mınıstrliginiń Azamattyq avıasıa komıteti resmı ınternet-resýrsynda áýe kóligimen saıahattaýshy jolaýshylarǵa arnalǵan arnaıy bólim ashty dep habarlaıdy Qamshy aqparattyq agenttigi QR Investısıalar jáne damý mınıstrligine silteme jasap. Bul bólimde jolaýshylar men bagajdy tasymaldaý rásimderi, avıabıletterdi satyp alý tártibi, áýe jolaýshylarynyń quqyqtary men mindetterine qatysty jáne t.b. jıi qoıylatyn suraqtarǵa jaýaptar bar.

Bul aqparat joldaǵy nemese reısterdiń keshigýine baılanysty jaǵdaıǵa tap bolǵan, sondaı-aq endi saıahattaýdy josparlap otyrǵan jolaýshylarǵa paıdaly.

Sholýshy: Ásem Álmuhanbet