Aıtysker degen uǵym qazir dinı laýazymǵa aınalyp ketti. Dombyrasyn qaǵyp-qaǵyp jiberip ýaǵyz aıtýdan bastaıdy. Qazirgi aıtys – aıtys degennen góri qajylyqqa irikteý týrnıri sıaqty. Negizi aıtys degen sınkretti óner. Ol jerde oı órisiń keń bolý kerek, sóz saptaýyń tamasha, uıqas quraýyń kerek, dombyra qaǵýyń kerek, qoǵamdaǵy ózekti máselelermen tanys bolýyń kerek, saýatyń bolý kerek. Ol túsinikti. Odan bólek qarsylasty qaǵytyp, elge ár sózińmen ártistik ónerińdi de kórsetý taǵy bar. Seniń aýzyńdaǵy sóz halyqtyń kókeıine jetý úshin ymy-jymyń dombyranyń qaǵysy jáne aýyzdan shyqqan uıqasyńmen jymdasyp, qabysyp otyrý kerek. Naqtysyn aıtqanda aıtys birneshe ónerdiń jıyntyǵy bolyp ta shyǵady (aqyndyq, tapqyrlyq, dombyra shertý, daýys yrǵaǵy, ártistik). Qazir aıtyskerlerdiń kóbinde osy qasıetter jıi kezdese bermeıtin sıaqty.

Taýyp sóıleý tek aıtysqa ǵana qajet dep túsinsek, onda aıtys óneri týraly qortyq oılaǵanymyzdan. Qazir kóp aıtysker ózi aıtyp otyrǵan sózge ózi senbeıdi. Jasandylyq bar. Jasandylyq bar jerde óner qurdymǵa ketedi.

Jandos Baıdildá. (Facebook-tegi paraqshasynan)