Orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın karerasyn aıaqtaý týraly pikirin aıtty. Bul týraly Qamshy aqparattyq agenttigi vesti.kz-ke silteme jasap habarlaıdy.

Qazaqstandyq boksshy meksıkalyq Saýl «Kanelo» Alvarespen jekpe-jek sport jolynda sońǵy kezdesýi bolýy múmkin ekenin jasyrmady. «Jekpe-jekten keıin aıaqtaýym múmkin. Biraq jalǵastyrýym da bek múmkin. Jaǵdaıym jaqsy. 30-damyn, biraq áli de 25 jastaǵy jigit sezinemin. Bul boks, fýtbol emes. Bul oıyn emes, shaıqas, árbir shaıqas kúrdeli», – dedi Golovkın.

 Aıta keteıik, qos boksshy arasyndaǵy jekpe-jek Las-Vegasta (AQSH, Nevada) ótetini resmı túrde jarıalandy. «Kanelo»-Golovkın jekpe-jegi 16 qyrkúıek kúni T-Mobile Arena arenasynda ótedi. Saýl Kanelo Alvareske qarsy jekpe-jekte Gennadıı Golovkın orta salmaqta WBC, WBA (Super), IBF jáne IBO chempıondyq ataqtaryn qorǵaıdy. Meksıkalyq The Ring jýrnalynyń belbeýin báske tigedi.
Sholýshy: Aıgerim Taýbaı