Qazaqstan eńbekaqynyń ortasha mólsheri boıynsha TMD memleketteriniń arasynda ekinshi orynda tur. Bul týraly QR Eńbek jáne halyqty áleýmettik qorǵaý mınıstri Tamara Dúısenova halyq aldynda esep berý kezdesýinde aıtty, dep habarlaıdy Qamshy aqparattyq agenttigi Baq.kz saıtyna silteme jasap.
«Biz azamattyq qyzmetkerlerge eńbekaqy tóleýdiń jańa modelin engizdik. Onyń negizinde dárigerlerdiń eńbekaqysy ortasha eseppen 18 paıyzǵa, muǵalimderdiń eńbekaqysy 29 paıyzǵa, al áleýmettik salanyń basqa qyzmetkerleriniń eńbekaqysy 35 paıyzǵa artty. Jalpy biz eńbekaqynyń ortasha mólsheri boıynsha TMD memleketteriniń arasynda ekinshi oryndamyz. 124 mlrd teńge azamattardy jumyspen qamtý baǵdarlamasyna jumsaldy. Eger 2011 jyly áleýmettik qamsyzdandyrý bólimderine 59 myń adam usynylyp, tirkelgen bolsa, ótken 2016 jyly jumyspen qamtý ortalyqtary arqyly 200 myńnan astam azamatqa memlekettik qoldaý kórsetildi. Bul respýblıka boıynsha jumysqa ornalasqan azamattardyń 10 paıyzyn qamtıdy», - dedi Dúısenova.
Mınıstrdiń aıtýynsha, óńirlerge az qamtylǵan azamattarǵa áleýmettik kómek kórsetý úshin respýblıkalyq búdjetten transfert túrinde qosymsha 7 mlrd astam qarjy bólinip, jumsaldy. Sonymen qatar, 2016 jyly mınıstrlik qyzmetkerleri 4 mıllıonǵa jýyq Qazaqstan azamatyna memlekettik qoldaý kórsetti7
«Bıylǵy jyly áleýmettik salany túbegeıli ózgerister kútip tur. Máselen, eldiń eńbek naryǵy tolyǵymen jańǵyrtylmaq», - dep túıindedi Tamara Dúısenova.
