Pavlodarlyq qutqarýshylar men eriktiler ekinshi kún qatarynan 15 jastaǵy Nıkıta Kızıbaevty izdestirýde, dep habarlaıdy Qamshy aqparattyq agenttigi  pavlodarnews.kz tilshisi.

Er balanyń sýǵa batyp ketkeni týraly aqparat keshe Instagram áleýmettik jelisindegi «Klýb dobrákov Pavlodar» tobynda jarıalandy. «Búgin Kızıbaevtardyń otbasy qaıǵyly jaǵdaıǵa tap boldy. Olardyń uldary Mıchýrın aýylynyń tusynda Ertis ózenine batyp ketkeni týraly aqparat taraýda. Balany kýágerler sýdan saqtap qala almaǵan», - dep jazylǵan habarlamada.

Eriktiler motorly qaıyqtary bar turǵyndardan kómek suraǵan. Jeli qoldanýshylarynyń keıbiri balanyń júrek aýrýy bar bolýy múmkin degen pikir qaldyrýda. Biryńǵaı kezekshilik-dıspecherlik basqarmasynyń bastyǵy Áskerbek Omarovtyń habarlaýynsha, izdeý sharasyna jeke quramnyń bir sýda júzý tenıkasy men úsh qyzmetshisi tartylǵan.

Sholýshy: Aıgerim Taýbaı