Almatyda № 4 qalalyq klınıkalyq aýrýhanasynyń mamandary naýqastyń medbıkelerge tıisken sáti túsirilgen vıdeony jarıalady, boljammen Marat Turymbetov medbıkelerge tıisken, - dep habarlaıdy Qamshy aqparattyq agenttigi Tengrinews.kz saıtyna silteme jasap. Eske salaıyq, osyǵan deıin ol qaýipsizdik qyzmetinen taıaq jegeni týraly aıtyp, áleýmettik jelide shaǵymdanǵan bolatyn. 

Vıdeoda oqıǵanyń 30 qańtardan 4 aqpanǵa deıin bolǵany aıtylady, № 4 aýrýhananyń mamandary usynǵan vıdeoda naýqas medbıkelerge qol jumsap, olardyń ıntım jerlerin ustap, súıip alýdy kózdeıdi. 

Medbıke jazǵan shaǵymdarynyń birinde osy áreketterdiń gemodıalız prosedýrasy kezinde bolǵanyn aıtady. 

"Ózin ádepsiz ustaıdy, qatty aıǵaılaıdy, qyzmetkerlerge urysady, bólimniń tynyshtyǵyn buzady, án aıtyp, qol jumsaıdy, keı kezderi seksýaldyq sıpattaǵy áreketke deıin barady. Prosedýra kezinde qolyńnan sıpap, dene músheńniń tómengi jaǵyna qol tıgizedi. Eskertýlerdi elemeıdi, shaǵymdanamyn dep qorqytady nemese jazýǵa sebep izdep júredi. Sol sebepti men jumystan kettim", - dep jazǵan medbıke bas dárigerge jumystan shyqqan túsindirý kezinde. 

Taǵy bir qyzmettik hatta 2017 jyly №4 aqpanda aýrýhana qyzmetkerleri bas dárigerden shara qoldanýdy suraıdy. Naýqastyń áreketteri qaýipsizdik qyzmetine jetkizilgeni aıtylady. Medbıkelerge naýqastyń áreketterin telefonnyń kamerasyna túsirip alý usynylǵan. Bas dáriger qyzmettik tekseris júrgizilgennen keıin osy isti quqyq qorǵaý organdaryna jiberilýin tapsyrǵan.

Eske salaıyq, osyǵan deıin Marat Turymbetov Almatydaǵy № 4 qalalyq klınıkalyq aýrýhanasynyń qaýipsizdik qyzmeti qol jqmsaǵany týraly shaǵymdanǵan bolatyn. Oqıǵa týraly ol Facebook jelisinde jazǵan.