Osydan birneshe jyl buryn súıiktisin qyzǵanǵan kásipker Qaırat Jamalıev jas jigit Álibı Jumaǵulovty aıaýsyz soqqyǵa jyǵyp aýyr qylmys jasaǵan bolatyn. Sot úkimi boıynsha 13 jylǵa sottalǵan, degenmen, qylmysker Jamalıev osy jyldyń tamyz aıynda bostandyqqa shyǵatyny belgili boldy dep habarlaıdy Qamshy aqparattyq agenttigi.

Osyǵan baılanysty belgili zańger Djohar Ýtekbaev Facebook paraqshasynda óz pikirin bildirdi. 

Djohar Ýtekbaev:

 «Joǵarǵy sot ókilderi kásipker Qaırat Jamalıevtiń qylmystyq merzim ýaqytyn aqyryndap 13 jyldan 6 jylǵa qysqartty.

Esterińizde bolsa, Jamalıevti Astana qalasynda jas jigit Álibı Jumaǵulovty eriksiz qamaýda ustap, aıaýsyz kúsh kórsetkeni úshin shyǵarylǵan sheshim boıynsha sottaǵan bolatyn.  Kásipker Qaırat Jamalıevtiń aýyr qylmysqa barýyna azamatsha Aınur Isınaǵa degen qyzǵanyshy sebep bolǵan.

Meni zań aldyndaǵy azamattardyń teńsizdigi alańdatady.

Eń soraqysy - joǵarǵy sot ókilderi BUU-nyń halyqaralyq azamattyq jáne saıasy quqyqtar boıynsha jasalǵan sheshimin buzyp, qylmystyq áreketke barýy. Ol qoǵam aldynda moıyndalǵan sheshimdi aıaqqa taptap otyr.

Qylmystyq is Sot prosesi kezinde kásipker Qaırat Jumalıevtiń atymen júrgizilmegen. Kasasıalyq qaýly jasyryn túrde jasalynǵan.

Jumalıevke qatysty jumys júrgizgen sot ókilderi bizge anyq emes. Tek baıandaýshy sot  Dáýlıev Erjan ǵana belgili.

Joǵarǵy sot Jamalıevke qatysty aqtap shyǵarylǵan úkimniń sebepterin qoǵamǵa jarıalaýǵa tıis.

Eń qyzyǵy – kasasıaǵa qatysqan Bas prokýratýranyń áreketi. Olar Jamalıevtiń ótinish-hatyna kelisimin berip otyr».

Sholýshy Orazhan Aqtolqyn