Tozyǵy jetken kólik ótkizgenderge jańasyn satyp alýǵa jeńildik sertıfıkaty beriledi, - dep habarlaıdy Qamshy aqparattyq agenttigi Tengrinews.kz saıtyna silteme jasap.
Baspasóz qyzmetiniń málimetinshe, 2017 jyldyń 26 maýsymynan bastap elimizde tozyǵy jetken kólikterdi tapsyrýshylarǵa jańa kólik satyp alýǵa jeńildik beriletin sertıfıkat Baǵdarlamasy iske qosylady. QR energetıka Mınıstrliginiń tapsyrmasymen jasalǵan Baǵdarlamany "ÓKM Operatory" JSHS QR ınvestısıa jáne damý mınıstrligimen jáne otandyq avtoóndirýshilermen birlese qurastyrdy.
Baǵdarlama talabyna boıynsha eski tehnıkany ótkizýshige ataýly sertıfıkat beriledi. Qazaqstanda óndirilgen kólik satyp alǵanda sertıfıkat jeńildik retinde paıdalanylady.
Jeńildik beretin sertıfıkattyń quny tapsyrylatyn kólik quralynyń sanatyna baılanysty 315 myń teńgeden 650 myń teńge aralyǵynda bolady.
Baǵdarlama boıynsha otandyq óndirýshiden kez kelgen sanattaǵy kólik quralyn satyp alǵanda jeńildik sertıfıkatyn paıdalanýǵa bolady. Jáne de bir avtokólik satyp alǵanda 2 sertıfıkatqa deıin paıdalanýǵa múmkindik bar.
"Jeńildik sertıfıkaty ataýly jáne ony ózgeniń atyna tirkeý eki retten artyq júrgizilmeıdi. Sondaı-aq ony qaıtaryp berýge jáne qolma qol aqshaǵa aýystyrylmaıdy. Sertıfıkat tirkelgen kúnnen bastap 12 aıǵa deıin jaramdy. Tozyǵy jetken kólik quraldaryn joıý baǵdarlamasy otandyq parktiń jańarýyna, Qazaqstandyq avtoóndiristi yntalandyrýǵa jáne ýtılızasıa salasynyń ınfroqurylymyn qalyptastyrýǵa múmkindik beredi", - delingen habarlamada.
Baǵdarlama jóninde tolyq aqparatty auto.recycle.kz resmı saıtynan oqýǵa bolady.
