Jyl saıyn Portýgalıada  orman ishiniń  órtke oranýy ádetke aınalǵan.  Alaıda osy jyly  alapat   jalynnyń adýyny myqty bolǵan kórinedi. Tabıǵı apattyń saldarynan 62 adam qaza taýyp, júzdegen adam jedel jerdem qyzmetiniń kómegine  júgingen. Bul týraly Qamshy aqparattyq  agenttigi Segodná aqparattyq saıtynyń málimetine súıene otyryp habarlaıdy.

Portýgal monısıpalıteti Pedrogan-Grandı Lıssabonnyń soltústigine 200 shaqyrym jerdegi ormannyń 95%-y  órtte oranǵanyn, sondaı-aq  20 aýyldyń turǵyndaryn  qaýipsiz jerge evakýasıalaǵandyǵyn málimdedi. Qazirgi tańda  kóz jumǵandar sany 62 adam.

Qyzyl jalynnyń taralý  kúshtiligi sonsha avtokóliktiń jyldamdyǵyna ilesip otyrǵan. Sonyń saldarynan  bir-birimen jarysa qashqan avtokólikterliń qaqtyǵysy oryn alǵan. Onymen qoımaı  kúshti jel turyp, orman ishiniń órtke oranýyn kúsheıte túsken. Turǵyn úılerdiń shatyryna  ot tıip, kóptegen baspanalar órtke oranǵan.

Aýyl turǵyndary  janyn saqtap qalý maqsatynda túrli áreketterge barǵan. Ajal aýzynan qashqan 12 adam, onyń ishinde 95 jastaǵy áıel de bar, qudyq ishine jasyrynyp aman qalǵan. Alty saǵattan artyq qudyq ishinde otyrǵan turǵyndar  ómirleriniń amandyǵyna shúkirlik aıtysty. 

Sholýshy: Aqerke Maratqyzy