Kezdesý Sheteldik ınvestorlar keńesiniń plenarlyq otyrysy bastalar aldynda ótti dep habarlaıdy Qamshy aqparattyq agenttigi Aqordaǵa silteme jasap. Kelissóz barysynda taraptar ınvestısıalyq yntymaqtastyqtyń odan arǵy perspektıvasyn jáne birlesken jobalardy iske asyrý máselesin talqylady.

Memleket basshysy búginde Bank tarapynan Qazaqstandaǵy ınfraqurylymdyq jobalarǵa, shaǵyn jáne orta bıznes salasyna aýqymdy ınvestısıa salynǵanyn, sondaı-aq ekonomıkalyq ózara qarym-qatynasty odan ári damytý qajettigin atap ótti.

S.Chakrabartı Nursultan Nazarbaevqa jumys kestesiniń tyǵyzdyǵyna qaramastan, kezdesýge múmkindik jasaǵany úshin alǵys aıtty.

– Sizder Astana ekonomıkalyq forýmyn ótkizdińizder. Búgin Sheteldik ınvestorlar keńesi ótýde. Taıaýda EKSPO kórmesiniń ashylý rásimi ótti. Bul is-shara Qazaqstannyń halyqaralyq arenadaǵy abyroıyn aıtarlyqtaı arttyrady jáne elderińizdiń áleýetin tolyq tanytady, – dedi Eýropa qaıta qurý jáne damý bankiniń prezıdenti.

Sonymen qatar, taraptar keńeıtilgen áriptestik týraly kelisim aıasyndaǵy yntymaqtastyqtyń barysy jóninde pikir almasty. Kelisim nátıjesinde 2016 jyldyń qorytyndysy boıynsha ınvestısıa kólemi 1,1 mıllıard AQSH dollaryna jetti.

Kezdesý sońynda Energetıka mınıstri Q.Bozymbaev Qazaqstan Prezıdentin «Bolashaqtyń energıasy» maketi týraly beınematerıalmen tanystyrdy.