Pavlodardyń mamandandyrylǵan aýdanaralyq ákimshilik sotynda 29 jastaǵy qyz ben 22 jastaǵy jigitke qatysty ákimshilik is qaraldy, olar tapa-tal túste qalalyq jaǵalaýlardyń birinde jynystyq qatynasqa túsken, - dep habarlaıdy Qamshy aqparattyq agenttigi Tengrinews.kz málimetine súıenip.  

İs materıaldaryna qaraǵanda, jup ózen jaǵasynda jynystyq qatynasqa túsken. Olardy demalýshylardyń biri kórip qalǵan. Er adam jigit pen qyzǵa eskertý jasaǵan. Alaıda jastar er adamnyń sózine qulaq aspaǵan, osy kezde kýáger "102" nómirin tergen. Sotta jastar óz kinásin tolyqtaı moıyndap, ókingen. Alaıda olar bul isin túsindire almaǵan.  Osylaısha jigit pen qyz "Usaq buzaqylyq" jasady dep tanylyp, olarǵa jeti jáne on táýlikke qamaý túrindegi jaza qoldanyldy.

Sholýshy: Aıgerim Taýbaı