Sınoptıkter maýsymnyń 22-si men 24-i kúnderine aýa raıyn boljady. Aýa raıyna sáıkes, aldaǵy úsh táýlikte respýblıkada kún óte qatty ystyq bolyp, ońtústikte aýa temperatýrasy 45 gradýsqa deıin kóteriledi dep, habarlaıdy Qamshy aqparattyq agenttigi  «Qazgıdromet» málimetine súıenip.

«Batys Sibir arqyly birinen keıin biri belsendi sıklondar kóshýde. Osylarmen baılanysty atmosferalyq fronttar Qazaqstan aýmaǵy arqyly jyljyp keı jerlerde ótkinshi jańbyr, naızaǵaı, burshaq jáne daýyldy jeldiń kúshi sekýndyna 15-25 metr bolady»,-dep habarlady meteorologtar.

Respýblıkanyń batysy men soltústiginde fronttardyń ótýimen aýa temperatýrasy normaǵa jaqyn jáne tómen bolady dep kútilýde. Al qalǵan aýmaqta aýa temperatýrasy klımattyq normadan 4-7 gradýstan joǵary bolyp saqtalady.

Qazaqstannyń ońtústiginde, aldaǵy táýlikterde óte ystyq bolady, osynda kúndizgi aýa temperatýrasy 33-39 gradýs, keı jerlerde 40-45 gradýs ystyq bolady dep boljanýda.

Astanada kóshpeli bultty, jaýyn-shashynsyz. Jel batys, ońtústik-batysan soǵady, kúshi sekýndyna 9-14 metr bolady.  Aýanyń  temperatýrasy túnde 14-16 gradýs, kúndiz 29-31 gradýs ystyq bolady.

Almatyda kóshpeli bultty, jaýyn-shashynsyz. Jeldiń kúshi sekýndyna 0-5 metr bolady. Aýanyń temperatýrasy túnde 20-22 gradýs, kúndiz 32-34 gradýs ystyq bolady.  

Sholýshy: Aıgerim Taýbaı