Atmosferalyq fronttardyń ótýine baılanysty respýblıkanyń basym bóliginde turaqsyz aýa raıy saqtalady, keı jerlerde jańbyr kútiledi,  naızaǵaı bolady, burshaq jaýýy múmkin dep habarlaıdy Qamshy aqparattyq agenttigi Qazgıdrometke silteme jasap. Tek respýblıkanyń qıyr batysynda jaýyn-shashynsyz aýa raıy kútiledi. Túnde jáne tańerteń respýblıkanyń soltústiginiń  keı jerlerinde tuman kútiledi.

Jambyl oblysynyń keı jerlerinde burshaq jaýýy múmkin, jel 15-20, tańerteń jáne kúndiz ekpini 23-28 m/s kúsheıedi. Shyǵys Qazaqstan, kúndiz Aqmola, Pavlodar oblystarynyń keı jerlerinde burshaq jaýýy múmkin, jel 15-22 m/s kúsheıedi. Ońtústik Qazaqstan oblysynyń kúndiz keı jerlerinde burshaq jaýýy múmkin, jekelegen aýdandarynda jel 15-20 m/s kúsheıedi, kúndiz ekpini 23 m/s bolady. Qaraǵandy, Qyzylorda,  Qostanaı, Aqtóbe oblystarynyń keı jerlerinde jel 15-20 m/s kúsheıedi. Soltústik  Qazaqstan oblysynyń túnde jáne tańerteń keı   jerlerinde tuman kútiledi.

Kúndiz Almaty, Jambyl, Shyǵys Qazaqstan oblystarynda, Qaraǵandy oblysynyń keı jerlerinde qatty ystyq bolady.

Kúndiz Qyzylorda oblysynda, Jambyl, Ońtústik Qazaqstan, Qaraǵandy, Shyǵys Qazaqstan, oblystarynyń keı jerlerinde óte joǵary órt qaýipi saqtalady.

Astana q: kóshpeli bultty, kúndiz ótkinshi jańbyr jaýady. Jel shyǵystan soǵady, kúshi 9-14 m/s.  Aýanyń  temperatýrasy túnde +16+18°S, kúndiz +27+29°S bolady.

Almaty q: kóshpeli bultty, jaýyn-shashynsyz. Jel 0-5 m/s . Aýanyń temperatýrasy túnde +21+23°S, kúndiz +33+35°S bolady.