Bárimizde de týys bar, tanys bar. Úkimettiń 80 paıyz astyq jınaldy degenine ólsem de senbeımin.  Arqadaǵy aǵaıyndar, egin egetin qaıyn, quda-jekjattar ári ketse 40-50 paıyzy jınaldy, qalǵany qar astynda qaldy dep jatyr. Bolmasa tebinge mal jiberemiz dep eńirep jylaýdyń aldynda otyr. İri kásiporyndar bolmasa, fermerlerdiń kóbisi utyldy. Saqtandyrý degenge aqshasy da joq.  Osy sebepti de "Prodkorporasıa" omaqasyp, elimiz qansha jyldan beri tuńǵysh ret Reseıden astyq satyp alýǵa májbúr bolyp jatqan sıaqtymyz. Masqara, endi.  Baıaǵy keńes zamanynda kolhozdar joǵary jaqqa jalǵan aqpar, ótirik aqpardy boratatyn edi, bir-biriniń artyn jaýyp. Sol zamandar qaıta kelgendeı. Biraq, osy kózboıaýshylyqpen qaıda baramyz? Baıaǵy "Tamashanyń", odan qalsa Beıimbettiń keıipkerleri tirilip kelgendeı týra.  Ótirik aqpar berýdiń, kózboıaýshylyqtyń chempıondary, mástirleri aramyzda áli de tolyp júr, el basqaryp tur. Úırenshikti zamanyna, jaǵdaıyna jetken sıaqty.  Bul keńesekterge jetpeı turǵany tek Máskeý men keńes úkimeti. Bulaı kete berse, joǵyn jamap, onyń da ornyn toltyryp tastaýy yqtımal.  Betin aýlaq qylsyn...

Aıdos Sarym. (Facebook-tegi paraqshasynan)