Jeńil atletıkadan dástúrli halyqaralyq Ǵusman Qosanov Memorıaly 24-25 maýsym kúni Almatyda ótedi. Mártebeli bul jarysty Jeńil atletıka federasıasy osymen 27-shi ret uıymdastyrǵaly otyr. Ǵusman Qosanov memorıalyna qatysýǵa 11 memlekettiń sportshylary óz kelisimderin berdi.

Almatyda Úndistan, Iran, Bahreın, Sırıa, Malaızıa, Aýǵanstan, Túrkimenstan, Ózbekstan, Tájikstan jáne ózimizdiń Qazaqstannyń atletteri óner kórsetedi. Jalpy, 200-den astam sportshy saıysqa dep kútilýde. Olardyń arasynda byltyrǵy jyly bıiktikke sekirý boıynsha Azıadaǵy úzdik nátıjelerdiń birin kórsetken Madjed Gazal (Sırıa), jelaıaqtar Reza Hasemı (Iran) men Iakýb Salem (Bahreın), uzyndyqqa sekirýshi Ankıt Sharma (Úndistan) t.b belgili sportshylar bar.

Jalpy, memorıalda qatysýshylar 30 jekelegen saıys boıynsha synǵa túsedi (15-i erler, 15-i áıelder arasynda). Uıymdastyrýshylar dástúrli túrde 100 metrge júgirgenderdiń ishinde úzdik shyqqan atletke arnaıy syılyq taǵaıyndap otyr (Ǵusman Qosanov – dál osy qashyqta Olımpıada júldesin enshilegen alǵashqy qazaq atleti), al demeýshilerdiń júldesi kórermender arasynda oınatylady.Ǵusman Syıtyquly Qosanov 1935 jyly 25 mamyrda Shyǵys Qazaqstan oblysy, Besqaraǵaı aýdany, Izatýlla aýylynda dúnıege kelgen. Olımpıada oıyndaryna tuńǵysh qatysqan jáne Olımpıada júldesin tuńǵysh jeńip alǵan qazaq atleti. 1960 jyly Rım olımpıadasynda kúmis medalǵa boldy. Eýropa chempıony, KSRO chempıonatynyń kúmis júldegeri, Qazaqstannyń birneshe dúrkin chempıony, KSRO halyqtary spartakıadasynyń jeńimpazy. Jeńil atletıkadan qazaq jastary arasynan shyqqan tuńǵysh sport sheberi. Onyń qurmetine ótkizilip júrgen halyqaralyq memorıal 1991 jyly bastaldy. Al 2000 jyly memorıaldyń 10 jyldyq mereıtoıyna baılanysty arnaıy pochta markasy shyqty.