Donald Tramptyń  keńesshileri oǵan Reseı týraly máselelerdi kóp qozǵamaýǵa usynys jasap otyr. Bul týraly Qamshy aqparattyq agenttigi RIA Novostı-ǵa silteme jasap habarlaıdy. Málimetterge súıensek, Tramp keńesshileri óz degenine tolyqtaı jete qoımasa da, jartylaı bolsa da Trampty ańdap sóıleýge kóndirgen. Máselen, Aıovada bolǵan kezdesýde ol múldem Reseı týraly sóz qozǵamaǵan.  Alaıda ertesinde-aq ol óziniń tvıtterdegi paraqshasyna:

-Aıtpaqshy, Reseı 2016 jylǵy prezıdenttik saılaýǵa óte belsendi qatysyp edi. Sol kezde bılikte bolǵan Obama nelikten olarǵa toqtaý qoımaǵan?-dep jazǵan.

Sheteldik arnalardyń málimetinshe, Tramp keńesshileri ony Reseı taqyrybyndaǵy polemıkaǵa qatyspaýyn ótingen. Al sol aralyqta AQSH kongresinde osy jylǵy prezıdenttik saılaýǵa Reseıdiń qatysyn anyqtaý júrgizilip jatyr.

Sholýshy: Nazerke MUSA