Amerıkalyq Ogaıo shtatyndaǵy bıliktiń saıttary hakerlik shabýylǵa ushyrady, dep jazady Qamshy aqparattyq agenttigi. Keıinnen DAISH ekstremıstik tobyna qoldaý bildirgen habarlamalar kelip túsken.

Ogaıo gýbernatory Djon Keısıktiń saıtynda jarıalanǵan habarlama mazmuny mynadaı: «AQSH prezıdenti Donald Tramp musylman memleketterindegi árbir tamshy qan úshin jaýap beretin bolady. Men DAISH-ty jaqsy kóremin», delingen. Habarlama DAISH sımvolıkasynda qoldanylatyn aq jáne qara túspen jazylǵan.

BAQ mundaı mazmundaǵy habarlamalar Ogaıo shtatyndaǵy basqa da resmı saıttarda, Nú-Iork shtatynyń Brýkheıven mýnısıpaldy aýdany, Merılend shtatynyń Haýard-Kaýntı aýdanyndaǵy memlekettik mekemeler saıttaryna ilingenin habarlady.

Sondaı-aq, gýbernator saıtyna kire bergende duǵa jasaýǵa shaqyratyn arab tilindegi aýdıo jazba qosylady.

Gýbernator ákimshiligi saıttaǵy máseler jaıynda habar ala salysymen jaǵdaıdy túzeýge kirisip ketken.

Team System DZ hakerlik toby buǵan deıingi hakerlik shabýyldardyń jaýapkershiligin moınyna alǵan.

Sholýshy: Gúlim Jaqan