Jýrnalıserdiń memlekettik organdarǵa aqparat alý maqsatynda joldaǵan suraýlaryn jaýapsyz qaldyrǵan qyzmetkerlerge endi qatań jaza qoldanylatyn bolady dep habarlaıdy Qamshy aqparattyq agentigi elana.kz-ke silteme jasap. Bul týraly QR Parlamenti Májilisinde ótken «Qazaqstan Respýblıkasynyń keıbir zańnamalyq aktilerine aqparat jáne komýnıkasıalar máseleleri boıynsha ózgerister men tolyqtyrýlar eńgizý týraly» zań jobasynyń talqylaýynda QR aqparat jáne komýnıkasıalar mınıstri Dáýren Abaev málimdedi.

Osy ýaqytqa deıin BAQ ókilderi tarapynan resmı organdarǵa jiberilgen saýaldar men hattardyń jaýap merzimi keshigip, sapasyz túrde keletindigi ne múlde jaýapsyz qalatyndyǵy týraly syndar jıi aıtylyp kelgen. Mınıstrdiń paıymdaýynsha, jańa norma memlekettik organdardyń jaýapkershiligin arttyryp, buqaralyq aqparat quraldarymen áriptestikti nyǵaıtady.

«Barlyq memlekettik organdarda baspasózben baılanysqa jaýapty arnaıy qyzmetker bolady. Onyń mindeti – buqaralyq aqparat quraldary ókilderi joldaǵan saýaldarǵa tolyq, ýaqytyly ári sapaly jaýap berý. Qazir jýrnalıserdiń 90 paıyzǵa jýyǵy resmı organdardan 3 kún ishinde keletin jaýaptardyń sapasyna narazylyq bildiredi. Osyǵan baılanysty arnaıy suraýlarǵa jaýap berý merzimi 15 kúnge deıin uzartylady», – dedi mınıstr.

QR aqparat jáne komýnıkasıalar mınıstrliginiń málimetine sáıkes, 2016 jyly ǵalamtor qoldanýshylarynyń talqylanýyna salynǵan zań jobasymen jumys tolyq ashyqtyq jáne jarıalylyq jaǵdaıynda jasalǵan. Belgili úkimettik emes uıymdar, jýrnalıser, Ulttyq kásipkerler palatasynyń ókilderi men Parlament depýtattary engen jumys toby osy ýaqytqa deıin kelip túsken 200-den astam usynystyń 70% jýyǵyn eskerip, qujatqa qosqan.

Sholýshy: Ásem Álmuhanbet