Bolgar ádebıeti – eń kóne, tarıhı tamyry tereń slaván ádebıetiniń bir tarmaǵy. Bolgar ádebıetiniń týýy (İH ǵasyrdyń 2-jartysy) slaván aǵartýshylary Kırıll men Mefodıı shákirtteriniń tvorchestvosymen tyǵyz baılanysty. Kóp zamandar bolgar ádebıeti dinı-mıstıkalyq áserlerden aryla almady. «Adam Ata men Haýa Ana jaıly sóz», «Isýstyń Ázireıilmen tájikesi», «Jumbaq kitap» – sol yqpaldyń týyndysy. Birtebirte ádebıette halyqtyq saryn kúsheıip, «Troıan hıkaıasy», «Aleksandrıa» taqylettes shyǵarmalar týdy, Pop Peıo, Matveı Gramatık syndy jazýshylar shyqty. HVİ İ-HIX ǵasyr jazýshylary P. Hılendarskıı, S. Vrachanskıı, V. Aprılov, N. Bozvelı, P. Beron, K. Fotonov, t.b. ár janrda jazýmen qosa, áleýmettik-qoǵamdyq isterge kóp aralasty, olar mektepke arnalǵan tuńǵysh oqýlyqtardyń avtory boldy. Bolgar ulttyq ádebıeti XIX ǵasyrdyń 50-70-jyldarynda qalyptasyp, negizgi janrlar túgel damydy. Talantty aqyndar D. Chıntýlov (182286), P.R. Slaveıkov (1827-95), G.S. Rakovskıı (1821-67), H. Botev (1849-76), I. Vazov (1850-1921), prozaıkteri: V. Drýmev (1841-1901), L. Karavelov (1835-79), I. Blyskov (1839-1913); dramatýrgter: D. Voınıkov (1833-78), V. Drýmevter halyq ómirin realısik turǵyda beınelep, ádebıetti jańa beleske kóterdi. I. Vazovtyń «Umytylǵan-jyldar dastany», «Kezbe syry» óleńderi, «Tepkide» romany, P.R. Slaveıkovtiń «Qandy jyr» poemasy, H. Botev óleńderi, P. Iavorovtyń «Shalǵynda», «Burshaq» poemalary, I. Vazovtyń «Ezgide», «Alastalǵandar» dramalary, A. Strashımırovtyń «Arýaq», «Qudaǵı» komedıalary – azamattyq saryny kúshti, áleýmettik máni zor týyndy lar. Oktábr revolúsıasy bolgar ádebıetine erekshe áser etti. H. Smırnenskıı, G. Karaslavov, H. Radevskıı tvorchestvolaryna tán qasıet – kúresker keıipker beınesin jasaý, antıfashızm. Tarıhı taqyryptardy kótergen S. Dıchevtiń «Bostandyq úshin», D. Talevtiń «Temir shyraq», «Qońyraýlar», fashızmdi aıyptaǵan D. Dımovtiń «Temeki», G. Karaslavovtyń «Kádimgi jandar» búgingi kúndi sýretteıtin A. Gýláshkanyń «Altyn jabaǵy», K. Kalchevtiń «Toqymashylar semásy» romandary – qazirgi bolgar ádebıeti qaýyrt ósýiniń belgisi. Bolgar jazýshylarynyń «Bolgar áıelderi» atty áńgimeler jınaǵy (1956) jáne I. Vazovtyń «Buǵaýda» romany (1959) qazaq tilinde basylyp shyqty.