«Qytaıda Azıa-Tynyq Muhıty elderiniń ekonomıkalyq yntymaqtastyǵy samıtiniń forýmy ótip jatqanda kóptegen qyzyqty jaıttar oryn alýda»,-dep jazady sheteldik baspa sózder. Qytaı basshysy Sı Szınpın Qurama Shtattardyń prezıdenti Barak Obamamen áńgimede otyrǵan keshte Vladımır Pýtın Sı Szınpınniń áıeliniń shálisin alyp, ony arqasyna jaýyp qoıǵany áleýmettik jelilerde qyzý talqyǵa tuzdyq boldy»,-deıdi ǵalamdyq iri jańalyqtar agenttigi « Assoshıeıted Pres». Amerıkandyq aqparat kóziniń aıtýynsha, Pýtınniń bul «erkektigi» kóptegen qytaı áıelderiniń júrek qylyn qozǵap úlgergen-dy.
Alaıda, qytaı resmı bılik tarapy bul jaıtqa basqalaı kóz-qaras ustanyp otyr. Bul qyzyqty sát qytaı ortalyq tele arnasy arqyly taratylǵan soń, beıne jazba búkil ǵalamtordy sharlap ketken. Biraq, kóp ótpeı olardyń barlyǵy qytaı bıligi tarapynan barlyq saıttarynan óshirilgen.
« Qytaılar tanys emes er men áıeldiń qoǵamdyq ortadaǵy ózara is-áreketterine óte konservatıvti túrde qaraıdy. Osy jolǵy Pýtınniń bul qımyldary qytaı lıderi unata qoımaıtyn qoǵamdyq ersi qaljyńdarǵa sebep bolyp ketýi múmkin»,-dep túsinik bergen Beıjińdik táýelsiz komentator Chjan Lıfan beıne jazbanyń qytaı ǵalamtorlarynan alynyp tastalýy týraly.
«Qytaı BAQ-tary Qytaı basshysy men onyń áıeli Pen Lıýan arasyndaǵy mahabbatty qatty násıhattaıtyn. Al, osy jolǵy Vladımır Pýtınniń qylyǵy bárin bylyqtyryp jibergendeı boldy»,- dep jazady « Assoshıeıted Pres» taǵy da.
Vıdeoda qytaı birinshi hanymy Pen Lıýan ornynan tura bere Vladımır Pýtın jaǵynan jamyldyrylǵan shálini ıyǵyna ilip jatyp, oǵan ıilip rahymet aıtady. Alaıda, sálden keıin, hanym onysyn sheship, óz kómekshisiniń berýimen qara syrt kımin jamylady.
Osydan keıin bul qytaılyq ınternet qoldanýshylar jaǵynan jappaı qyzý talqyǵa túsken. Biraq, kóp uzamaı bul beınejazba resmı bılik tarapynan barlyq saıttar men jelilerden óshirilgen.
Al, muny qytaı mamandary halyqqa barynsha túsindirip álek bolýda kórinedi.
« Muny orys erkekteriniń áıelderge qurmet bildirgendegi is-áreketi dep túsiný kerek. Reseı sıaqty aýa raıy sýyq elderde, jentlmender áıelderdiń syrt kıimderin kúge jáne sheshýge kómektesýi qalypty jaıt»,-deıdi qytaılyq komentatorlar: « árıne, bul bizge ol ersi kórinip tursa da».
vıdeo:
T.Shansharbek
