Ár adam óziniń qandaı qan tobyna jatatynyn jaqsy biledi. Biraq qan toby adam mineziniń qandaı ekenine áser etetinin bilmeýi múmkin. Al qan toby minez qalyptastyrýshy faktor bolyp tabylady eken.

Mysaly, birinshi toptaǵy qan ıeleri – rýhanı myqty bolyp keledi. Týmysynan kóshbasshy, ómirge árqashan qushtarlyqpen qaraıtyn jandardy kezdestirseńiz, olar osy birinshi toptaǵy qan ıeleri bolýy ábden múmkin. Degenmen, olar ózderine aıtylǵan syndy unata qoımaıdy, óte aýyr qabyldaıdy. Esesine, olar kezdesken qıyndyqtardan qoryqpaıdy, moıymaıdy. Jáne bir ereksheligi, túrli adamdarmen tez til tabysyp kete alady. Sonymen qatar, syrqat ne jaraly adamdarǵa qan quıý qajet bolsa, onyń qaı toptaǵy qan ıesi ekenine qaramastan, birinshi toptaǵy qan – kez kelgen adamǵa quıýǵa laıyq bolyp tabylady.

 Qany ekinshi toptaǵylar erekshe uqypty, júıeli isti qalaıtyn jáne óte joǵary uıymdastyrýshylyq qabiletke ıe bolyp keledi. Minezderi óte jaıly bolǵandyqtan, kez kelgen ortaǵa tez sińisip ketedi. Minezderindegi jáne bir erekshelik, qınalsa da, kúızelse de, syrtqa bildirmeýge tyrysady, syrt kózge bárin jaqsy sıaqty kórsetip, ne bolsa da, ishine saqtap, eshteńe bildirmeı júre beredi. Biraq, bir kóterilse, ashýymen taý qopara alady eken.

 Úshinshi topqa jatatyndar – naǵyz shyǵarmashylyq adamdary. Jan dúnıesi qıal men fantazıaǵa baı, olardy ózi kirisken iske barynsha qoldanýǵa tyrysatyn jan. Alaıda bir kem tusy – óte tuıyq, adamdarmen til tabysýy qıyn bolyp keledi. Qıalshyldyǵynan bolar, kópshilik ortasynan góri, ońasha bolǵandy unatady. Syrt kózge sabyrly kóringenimen, olardyń ishinde alaı-túleı daýyl soǵyp turady.

Eń sırek ushyrasatyn qan toby – tórtinshi top bolyp tabylady. Bul qan tobynyń ıeleri - taptyrmas uıymdastyrýshylar.Minezi adal, aq kóńil bolyp keletin bul jandar árqashan kópshiliktiń ortasynda júredi. Bir keremeti, adamdardy eshbir alalamaı aralasatyn bolǵandyqtan, olar kez kelgen ortanyń ishinde boıy ozyq turatyn, otyrystyń gúli bolyp keledi.