"Qaırat" fýtbolshylary albanıalyq "Skenderbeý" klýbynan jeńilip, Eýropa lıgasynan shyǵyp qaldy, - dep habarlaıdy Qamshy.kz aqparat agenttigi Vesti.kz saıtyna silteme jasap.
Ekinshi irikteý kezeńiniń qarymta kezdesýi Korche qalasynda ótti, mach 2:0 esebimen aıaqtaldy. Birinshi taımda "Qaırat" pen "Skenderbeý" gol soǵa almady. Bastapqyda alań ıeleri basym bolǵan, alaıda qonaqtar jaǵdaıdy teńestirse de gol soǵatyn múmkindik bolmady.
Ekinshi taımda "Skenderbeý" jeńisti qoldan bermedi. 58-mınýtta soǵylǵan sheshýshi goldyń avtory albandardyń jartylaı qorǵaýshysy Sabıen Lıláı boldy, ol trınıdadtyq qorǵaýshy Sheldon Batonyń qateligin óz paıdasyna asyrdy. "Qaırat" bir gol jiberip alǵannan keıin belsendi bolǵan, alańǵa qorǵaýshy Eldos Ahmetovty horvat havbegi Ivo Ilıchevıch almastyryp shyqty. 75-shi mınýtta Lıláı sary qaǵaz alyp, alańnan shyǵyp qaldy.
"Skenderbeý" az quramda oınasa da basymdyqty bermedi, 75-shi mınýtta havbek Bakarı Nımaganyń gol salatyn múmkindigi bolǵan, alaıda "Qaırat" golkıperi Stal Pokatılov ornynan tabylyp, dopty qaqpaǵa jibermedi. Alaıda birer sátten keıin qaqpashy qatelesip, "Skenderbeý" forvardy Sebıno Pláký 83-shi mınýtta ekinshi goldy salyp ketti. Al 86-shy mınýtta Arzo qarsylasyna soqqy jasap, qyzyl qaǵazben alańnan qýylǵannan keıin "Qaırattyń" múmkindigi túgesildi.
"Qaırat" pen "Skenderbeýdiń" Almatyda ótken alǵashqy machy 1:1 esebimen aıaqtalǵan edi. Osylaısha alban klýby 3:1 esebimen Eýropa lıgasynyń úshinshi irikteý kezeńine shyqty, bul kezeńde olar ırlandıalyq "Shemrok Rovers" komandasyn jeńgen (3:2 syrt alańda, 2:0 óz alańynda) Chehıanyń "Mlado-Boleslav" klýbymen oınaıdy.
Aıta keteıik, "Qaırat" osymen ekinshi maýsymda Eýropa lıgasynyń ekinshi irikteý kezeńinen óte almady. Ótken jyly almatylyqtar eki kezdesýdiń qortyndysy boıynsha Tel-Avıvtiń "Makkabı" komandasynan jeńilgen edi (1:1, 1:2). Al munyń aldynda "Qaırattyń" bas bapkeri Kahaber Shadadzeniń Eýropa lıgasynan shyǵyp qalsa, qyzmetinen ketetini habarlanǵan edi.
"Ertis" fýtbolshylary da syrt alańda "Srvena Zvezdadan" jeńilip, Eýropa lıgasynan shyǵyp qaldy. Ekinshi irikteý kezeńiniń qarymta kezdesýi Belgradtaǵy Raıko Mıtıch atyndaǵy stadıonda ótip, 2:0 esebimen aıaqtaldy.
Osylaısha Eýropa lıgasynda qazirgi ýaqytta birde-bir qazaqstandyq klýb qalmady. Bul týrnırge Chempıondar lıgasynyń ekinshi irikteý kezeńinde poláktyń "Legıa" komandasymen mach ótkizetin "Astana" komandasy ótýi múmkin.
