Ulybrıtanıanyń Eýropalyq odaqtan shyǵýy jóninde kelissózderdiń alǵashqy kezeńi eshqandaı nátıje bere qoımady, dep jazady Qamshy.kz aqparat agenttigi.

 EO azamattarynyń quqyqtary máselesi boıynsha Brekzıtten keıin eki jaq kelisimge kele almady, sondaı-aq EO quramynan shyǵyp bara jatqany úshin Londonnyń kompensasıa tóleý-tólemeý máselesi de jaýapsyz qaldy. Bul týraly kelissózderden keıin ótken baspasóz máslıhatynda EO delegasıasynyń basshysy Mıshel Barne málimdedi.  

Kelissózdiń kelesi kezeńi tamyzdyń aıaǵynda ótedi dep josparlandy. Bul kezdesýde Brekzıtten keıingi EO pen Ulybrıtanıa azamattarynyń quqyqtaryna kóbirek kóńil bólinetin bolady. Brıtanıa EO pen erkin saýda jóninde kelisimge kelýdi kózdeıdi. Alaıda Brússelde alǵashqy eki suraqtyń jaýabyn almaıynsha, saýda kelisimi jóninde aıtýydń da qajeti joq ekenin málim etti.

Aıta keteıik, Ulybrıtanıanyń EO quramynan shyǵý máselesi 19 maýsymnan beri talqylanyp jatyr. Bul proses 2018 jyldyń sońyna deıin sozylady dep josparlanǵan.