21 qarasha. Astana qalasynda áıgili jazýshy Qajyqumar Shabdanulynyń shyǵarmashylyǵyn zerdeleýge arnalǵan dóńgelek ústel ótti.

Buralań taǵdyryna qaramaı, qolynan qalamyn tastamaǵan qaısar jazýshy, qazaq ádebıetindegi tuńǵysh alty tomdyq romannyń avtory Qajyǵumar Shabdanulynyń artyna qaldyrǵan baı muralaryn zerttep, týǵan halqyna nasıhattaýdy murat tutqan «Qajyǵumar qazynasy halqyna tolyq jetken joq» atty salıhaly basqosýdy «Ult birligi» qoǵamdyq qorynyń uıymdastyrdy.

Basqosýǵa belgili qoǵam qaıratkeri, aqyn Nesipbek Aıtuly, tarıh ǵylymdarynyń doktory Tursynhan Zákenuly, «Ult birligi» qoǵamdyq qorynyń prezıdenti Baýyrjan Shaqarbekuly ádebıettanýshy ǵalymdar men tarıhshylar, jazýshynyń urpaqtary, sondaı-aq BAQ ókilderi qatysty.

Jıynda sóz alǵan jazýshy, zerttermender dańqty jazýshynyń ǵumyr belesterinen syr shertip, jazýshy shyǵarmalaryn nasıhattaýdyń mańyzdylyǵyna toqtaldy. Sonymen qatar, aldymyzdaǵy jyly atap ótiletin jazýshynyń 90 jyldyǵyn sátti uıymdastyrý jaıy da sóz boldy.

Arqa tósindegi jınalysqa Almatydan arnaıy kelgen Jaınar Qajyǵumarqyzy ákesi jaıly áserli áńgime órbitip, jazýshynyń bir tomdyq qoljazbasy áli kúnge esh jerde jarıalanbaǵanyn jetkizdi.

Shara sońynda «Órnek» baspasynan shyqqan Qajyqumar Shabdanulynyń áıgili shyǵarmasy «Qylmys» romanynyń tóte jazýdaǵy nusqasynyń tusaýy kesilip, oqyrman qaýymǵa jol tartty.

Orazbek SAPARHAN