Pavlodarda Kýtýzova kóshesi 291 mekenjaıynda ornalasqan kóp qabatty úıdegi páterlerdiń birinde órt shyǵyp, 15 adam syrtqa shyǵaryldy, onyń úsheýi - bala, dep habarlaıdy Qamshy.kz aqparat agenttigi ravlodarnews.kz málimetine súıenip.  Oblystyq TJD memlekettik til jáne aqparat toby usynǵan málimetke súıensek, keshe 11:54 mınýtta órttiń oryn alǵany týraly kezekshi bólimge habarlama kelip túsken.

- Oqıǵa ornynda №2 jáne №34 órt bólimsheleriniń úsh tehnıkasy jumyldyryldy. Úıde as bólme zattary, aǵash buıymdar, tereze men jıhazdary janǵan, órt kólemi 20 sharshy metrdi qurady. Qutqarýshylar páterge ený úshin ekinshi qabatqa saty ornatty. 12:22 mınýtta tilsiz jaý aýyzdyqtalyp, 12:50 mınýtta tolyqtaı sóndirildi. Atalmysh páterde 1951 jyly týǵan er azamat turǵan, ol páter ıesi emes, jaldap turatyn azamat. Órttiń sebepteri men shyǵyndary anyqtalýda, - dedi TJD mamandary.