26 shilde kúni saǵat 20:00-de  «Astana Arena» stadıonynda «Astana» – «Legıa»  komandalary arasyda chempıondar lıgasynyń machy ótedi. Qala turǵyndary men qonaqtary sport alańyna 11 qoǵamdyq kólikpen jete alady: № 10, 12, 27, 37, 40, 51, 53, 501, 502, 503, 506.

Saǵat 18.00-den  «Astana Arena» sport keshenine jankúıerlerdi jetkizý úshin 4 jerden arnaıy avtobýstar uıymdastyrylady. Arnaıy avtobýspen jetý úshin «Qazaqstan» SK, «Nur Astana» meshiti, Astanalyq sırk jáne «Jastar» saraıynyń aldyna barý qajet. Jol aqysy – 90 teńge, jol júrý bıleti jaramsyz dep habarlaıdy Qamshy.kz aqparat agenttigi Astana ákimdiginiń baspasóz qyzmetine silteme jasaı otyryp.

Oıyn aıaqtalǵan soń qalaǵa № 10, 12, 28, 40, 51, 303 qoǵamdyq kóliktermen jetýge bolady.  Saǵat 21.00-den Qabanbaı batyr dańǵyly boıynsha stadıonnyń turaǵy men «Astana Arena stadıony» aıaldamasynda jankúıerlerdi qalaǵa aparatyn avtobýstar uıymdastyrylady. Sondaı-aq «Astana Arena» stadıonynyń turaq alańyna qalalyq taksıdiń resmı tasymaldaýshylary keletin bolady.