Búgin QR Din isteri jáne azamattyq qoǵam mınıstri Nurlan Ermekbaev ujymǵa jańa keńesshiler Dúısenov Arsenıı Keńesuly jáne Qulekeev Baqytjan Keńesulyn tanystyrdy dep habarlaıdy Qamshy.kz aqparat agenttigi.

Arsenıı Dúısenov jańa laýazymda aqparattyq-ımıdjdik jumys máseleleri, din jáne azamattyq qoǵam salasyndaǵy memlekettik saıasatty túsindirý boıynsha sharalar, sonymen qatar qoǵammen baılanysty qoldaýdy qadaǵalaıdy.

Ol osy taǵaıyndaýǵa deıin «Qazaqstan» RTRK» Shyǵys Qazaqstan jáne Aqmola oblystaryndaǵy fılıaldarynyń dırektory, «Qazaqstan» RTRK» aımaqtyq taratýdy damytý dıreksıasynyń dırektory qyzmetin atqarǵan.

Ár jyldary Qyzylorda oblysy ákiminiń, QR Eńbek jáne halyqty áleýmettik qorǵaý mınıstriniń baspasóz-hatshysy laýazymynda boldy. A. Dúısenov Qazaqstan Bas redaktorlar klýbynyń vıse-prezıdenti jáne Halyqaralyq televıdenıe jáne radıo akademıasynyń akademıgi.

Sondaı-aq, QR Din isteri jáne azamattyq qoǵam mınıstriniń keńesshisi laýazymyna Baqytjan Qulekeev taǵaıyndaldy. Ol bul laýazymda dinı suraqtar jáne dinı uıymdarmen baılanys máselelerin qadaǵalaıdy.

B. Qulekeev osyǵan deıin QR Din isteri jáne azamattyq qoǵam mınıstrligi Din isteri komıteti tóraǵasynyń orynbasary laýazymdy qyzmetin atqarǵan.