Qaraǵandy oblysynda pedofıldiń árektterinen zardap shekken bes jastaǵy qyzǵa alǵashqy medısınalyq kómek kórsetildi. Dárigerler qyzdyń jaǵdaıy týraly aıtyp berdi, - dep habarlaıdy Qamshy.kz aqparat agenttigi Tengrinews.kz saıtyna silteme jasap.

Qaraǵandy oblysynyń Densaýlyq saqtaý basqarmasynyń málimeti boıynsha, 23 shildede qyz jedel járdem kóligimen Sátbaev aýrýhanasyna jetkizilgen. Dárigerler alǵashqy kómek kórsetip, ary qaraı emdep jatyr. 

"Iá, mundaı derek tirkeldi. Balany jedel járdem kóligimen jetkizdi. Ony tekserip, qajetti medısınalyq kómek kórsetildi. Qajetti emin alyp jatyr. Búgin ony ary qaraı emdeý úshin oblystyq aýrýhanaǵa aýystyrady. Onyń jaǵdaı ortasha deńgeıde aýyr dep baǵalanyp otyr", - deıdi baspasóz qyzmetiniń ókilderi. 

Densaýlyq basqarmasy ókilderiniń aıtýynsha, qazir qyzben psıhologtar jumys istep jatyr. Ol jansaqtaý bóliminde emes. 

Eske salaıyq, Sátbaev qalasynda joǵalyp ketken 5 jastaǵy qyz jergilikti 50 jastaǵy turǵynnyń páterinen tabyldy. Ol qyzdy páterine aldap kirgizgen. Er adam qyzdy zorlaǵanyn moıyndady. Qazir bul derekke qatysty sotqa deıingi tergeý júrip jatyr. 

Kúdikti ýaqytsha ustaý abaqtysyna qamaldy. Qajetti saraptamalar taǵaıyndaldy.