Mysyrda 6 qazaqstandyq joǵalyp ketti, - dep habarlaıdy Qamshy.kz aqparat agenttigi.

Bul jaıynda QR SİM baspasóz qyzmetiniń basshysy Ánýar Jaınaqovqa málimdedi.

Vedomstvonyń málimetinshe, alty qazaqstandyq qazirgi ýaqytta jaqyndarymen baılanysqa shyqpaı jatyr. Olardyń barlyǵy bir páterde turǵan.

"İzdestirý jumystary júrgizilip jatyr. Kaırdegi Qazaqstan elshiligi Mysyrdyń Syrtqy ister mınıstrliginen izdestirý jumystaryna kómek kórsetýlerin surap, nota joldady. Bizdiń dıplomattar joǵalyp ketken qazaqstandyqtardyń jaqyndarymen jáne týystarymen tyǵyz baılanysta", - dep habarlady Ánýar Jaınaqov.

Osyǵan deıin Aıbol Isabek esimdi qoldanýshy Facebook jelisindegi paraqshasynda joǵalyp ketken qazaqstandyqtardyń ekeýiniń esimin ataǵan bolatyn. Olar - Qanat Berik jáne Elaman Jazylhan. Onyń aıtýynsha, ekeýiniń biri onyń aǵasy eken. Olar Mysyrǵa 11 shildede ushyp ketti. 

"Mysyrǵa kelisimen QR elshiliginde tirkeýge turdy. 20 shildede múlde baılanysqa shyqpady. Mysyrdaǵy Qazaqstan konsýly Ershat qazaqstandyqtardyń qaı jaqta ekenin bilmeıdi. Barlyǵyńyzdan izdestirý jumystaryna kómektesýlerińizdi suraımyz!" - dep jazdy Aıbol Isabek esimdi qoldanýshy Facebook jelisindegi paraqshasynda.