Elbasy Nursultan Nazarbaevtyń 2017 jylǵy halyqqa joldaýy týraly bılik ókilderi men qoǵamdyq tulǵalar qandaı pikir bildirdi? Qamshy tilshisi el aǵalarynyń Elbasy joldaýy pikirlerin saralap kórdi.
Janseıit Túımebaev: Joldaý – jańǵyrýdyń dańǵyl joly
«Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynda jańarý men jańǵyrýdyń dańǵyl jolyna túsken Qazaqstan shırek ǵasyrdyń ishinde búkil álemge qýatty, damyǵan, yntymaǵy jarasyp, yrysy artqan memleket retinde tanyldy. Endigi kezekte árbir qazaqstandyq osy bereke-birlik pen saıası turaqtylyqty odan ári nyǵaıtyp, elimizdiń irgesin bekite túsýi qajet.»
N. Nyǵmatýlın: Elbasy Joldaýy Qazaqstanymyzdyń damý tarıhyndaǵy jańa kezeńdi bastady
«Prezıdentimiz Nursultan Ábishuly Nazarbaevtyń Joldaýy – elimizdiń tarıhı belesin bastaǵan óte mańyzdy qujat. Onda Elbasymyz Qazaqstan damýynyń jańa baǵyttaryn belgilep berdi. Osy kezeńde ásirese, ulttyq ekonomıkany kóterýge erekshe kóńil bólindi. Bul eń aldymen halyqtyń áleýmettik jaǵdaıyn kúsheıtýge yqpal etedi»
Berdibek Saparbaev: Biz Elbasy Joldaýyn oryndaý úshin bar kúshimizdi salamyz
«Prezıdenttiń saıası jigeriniń arqasynda jetkenin bilesizder. Bul Joldaý burynǵylarynan ózgerek, óıtkeni bul qujat negizinen elimizdiń básekelestikke qabilettiligin arttyrýǵa, jańa tehnologıalar men ınovasıalardy engizýge baǵyttalǵan»
QMBD: Joldaý-2017: Urpaq tárbıesine basymdyq berdi
«Elbasynyń «Qazaqstannyń úshinshi jańǵyrýy: jahandyq básekege qabilettilik» atty halyqqa Joldaýynda el ekonomıkasyn órkendetip qana qoımaı, bilimdi damytý, rýhanıatymyzdy jańǵyrtý, qaýipsizdik sharalaryn kúsheıtý, dinı ekstremızmdi aldyn alý, qylmystyq jazasyn ótep jatqan azamattardy teologıalyq turǵydan saýattandyrý máseleleri aıtyldy.
Nursultan Ábishuly Joldaýynda óskeleń urpaqty rýhanı-adamgershilik rýhynda tárbıeleý úshin qosymsha qadamdar jasaý jáne bul iske dinı birlestikterdi belsendi túrde tartý qajettigine erekshe toqtaldy.
Rasynda, búgingi aǵa býyn, orta býyn ókilderiniń negizgi mısıasy – jastardyń kókirek kózin ashyp qana qoımaı, olardyń rýhanı dúnıetanymyn baıytyp, memleketshil, tolerantty, ultjandy urpaq sabaqtastyǵyn qalyptastyrý»
