Prezıdent tapsyrmasyn oryndaý úshin Qazaqstan Respýblıkasynyń Úkimeti 2016-2020 jyldarǵa arnalǵan Jekeshelendirýdiń keshendi josparyn bekitken bolatyn. Onda ústimizdegi jyldyń sáýir aıynda ózgertýler men tolyqtyrýlar engizilgen edi.
Sonyń ishinde Qaraǵandy oblysynyń uıymdaryna qatystylar mynalar:
– básekelestik ortaǵa berýge jatatyn uıymdardyń tiziliminen – 18, sonyń ishinde,
– BAQ-tardyń 17 uıymy alynyp tastaldy;
– Memleket basshysynyń tapsyrmasy boıynsha 2016 jyldyń aıaǵynda kvazımemlekettik sektordy qaıtalap túgendeý júrgizý barysynda anyqtalǵan 10 uıym qosymsha engizildi.
Nátıjesinde, 2017 jyly Qaraǵandy oblysy boıynsha básekelestik ortaǵa berýge 24 uıym jatady.
Uıymdardy saýda-sattyqqa shyǵarýdy aı-aıǵa bóle otyryp, tıisti Keste bekitildi.
Búgingi tańda:
– 4 uıym satyldy – «Nuratal-2013» JSHS, Nura aýdany, «Qaraǵandy qalasy qala qurylysynyń kadastr ortalyǵy» JSHS, Jezqazǵan qalasynyń «Sporttyq saýyqtyrý kesheni» KMQK, Balqash qalasynyń «Qalalyq komýnaldyq sharýashylyq – 2012» JSHS.
– 5 uıymǵa qatysty «Memlekettik múlik týraly» Qazaqstan Respýblıkasynyń Zańyna sáıkes olardy taratý boıynsha rásimdemeler júrgizilýde, óıtkeni, olar 3 saýda-sattyqtyń nátıjesinde satylǵan bolatyn, sondaı-aq, ekonomıkalyq tıimdilik maqsatyna baılanysty. Temirtaý qalasynyń «Temirtaý» sporttyq klýby» KMQK, «Polıgon» JSHS Jezqazǵan q., «MJK aımaqtyq ortalyǵy» AQ, «Gorsvet» Qaraǵandy q., «Bereke-2010» AQ Qaraǵandy q.
– Ústimizdegi jyldyń 30 maýsymynda ótken ekinshi saýda-sattyqqa 2 uıym qoıyldy – «Qaraǵandy» voleıbol klýby» JSHS jáne «Tulpar» shaǵyn fýtbol klýby» JSHS.
– 7 uıym boıynsha saýda-sattyq aldyndaǵy daıyndyq jumystary júrgizilýde – táýelsiz baǵalaýshylardy tarta otyryp, uıymdardyń naryqtyq qunyn baǵalaý anyqtalýda – «Qaraǵandy qalasynyń №2 emhanasy» KMK, «Temirtaý qalasynyń №2 emhanasy – keıinnen satyp alý quqyǵymen senimgerlik basqarý, «Saryarqa» hokeı klýby» JSHS, «Shahter» fýtbol klýby» AQ, «Ulytaý Tasbulaq» JSHS, «Abaı Kórkem» JSHS, Shahtınsk q. «Gorkomhoz» JSHS – jekeshelendirý.
– 6 uıym boıynsha saýda-sattyq aldyndaǵy daıyndyq jáne olardy satý jónindegi is-sharalar Kestege sáıkes júrgiziletin bolady.
Qazaqstan Respýblıkasy Úkimetiniń tapsyrmasy boıynsha Qazaqstan Respýblıkasynyń Qarjy mınıstrligi memlekettik múlik tiziliminiń veb-portalynda «Jekeshelendirýdiń ekinshi tolqynynyń obektileri» aqparattyq resýrstary arqyly Kesteniń oryndalýyna monıtorıń júrgizip otyr, bul Keshendi josparǵa engizilgen, básekelestik ortaǵa berýge jatatyn obektiler jóninde otandyq jáne sheteldik ınvestorlardy aqparattandyrýǵa arnalǵan.
Sondaı-aq, Jol kartasy memtizilimniń veb-portalynda olardy oryndaý merzimderi men qadamdyq is-sharalar jospary ázirlendi jáne ornalastyryldy.
Saýda-sattyqqa qoıylatyn uıymdar týraly barlyq aqparat www.gosreestr.kz saıtynda, sondaı-aq, saýda-sattyqqa qatysýdy qabyldaý úshin qoljetimdi.
M.KADEKOV,
memlekettik aktıvter jáne satyp alýlar basqarmasynyń basshysy.
