Bes kún boıy Astanada oblystyq tarıhı-ólketaný mýzeıiniń «Taraz – tarıhtyń altyn dińgegi» kórmesi ótedi.
Kórmede saq dáýirinen Qazaq handyǵy qurylǵanǵa deıingi 300-den astam jádiger nazarǵa usynylady. Qala turǵyndary men qonaqtary qazba jumystary kezinde tabylǵan tarıhı ınstallásıalardy, tıyndardy, qumyralardy jáne tarazdyq qylqalam sheberleriniń sýretterin tamashalaı alady.
Elordada Jambyl oblysynyń kúnderi aıasynda merekelik konsertter, kórmeler, teatrlandyrylǵan qoıylymdar uıymdastyrylady. Oǵan oblystyq fılarmonıanyń, oblystyq qazaq drama teatrynyń, «Alataý» fólklorlyq ansambliniń ujymdary men belgili ánshiler men kompozıtorlar qatysady.
Qalalyq «Qazanat» ıpodromy alańyndaǵy etnoaýylda sheberler aýyly ornalastyrylady. Al «Qazaqstan» sport kesheni aýmaǵynda ótetin aýylsharýashylyq jármeńkesinde elordanyń turǵyndary men qonaqtary saýda jasaı alady.
