Ortalyq komýnıkasıalar qyzmetinde Halyqaralyq «EKSPO-2017» mamandandyrylǵan kórmesi aıasynda Shanhaı yntymaqtastyq uıymy men Azıadaǵy ózara Yqpaldastyq jáne Senim sharalary jónindegi Keńestiń Halyqaralyq Astana marafonyna arnalǵan baspasóz konferensıasy ótti dep habarlaıdy Qamshy.kz aqparat agenttigi.
Sharaǵa QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Elsıar Qanaǵatov, QR Jeńil atletıka Federasıasynyń atqarýshy dırektory İnjý Qusaıynova, Astana q. dene shynyqtyrý jáne sport basqarmasynyń basshysy Marjyqpaev Berik qatysty.
Baspasóz konferensıada marafon baǵyty (ctart, fınısh, sý alý pýnktteri), marafonǵa tirkeletin saıt meken-jaıy (nómirlerdi taratý, oflaın tirkelý erejeleri), jarnamalyq kompanıa (foto, beıne jazbalardy BAQ taratý, afıshalardy qala kóshelerine ilý, demeýshilerdi sharaǵa tartý) boıynsha jasalyp jatqan jumystar týraly aıtyldy.
Qytaıda marafondy jarnamalaý jumystary qarqyndy júrip jatyr. 10 shildede People’s Daily New Media «Jenmın Jıbao» ulttyq saıtynyń ǵımaratynda Halyqaralyq Astana marafonyn ótkizýge baılanysty baspasóz-konferensıasy uıymdastyrylǵan bolatyn. Qytaı astanasyndaǵy kezdesý ústimizdegi jyldyń 22 mamyrynda QR Mádenıet jáne sport mınıstrligi, QR Jeńil atletıka Federasıasy men «Shanhe» Iýnnan mádenıet jáne sport kompanıasy arasynda SHYU men AÓSSHK Halyqaralyq Astana marafonyn ótkizýge baılanysty qol jetkizilgen kelisimi aıasynda ótti. Aıta keteıik, osy jyly Azıadaǵy Ózara Yqpaldastyq jáne senim sharalary jónindegi keńeske 25 jyl tolyp otyr. Osy ataýly datany Halyqaralyq marafonmen birge atap ótý qajet degen sheshim shyǵaryldy.
Sport jáne dene shynyqtyrý isteri komıteti tóraǵasy Elsıar Baımuhamedulynyń aıtýynsha, taraptardyń birlesip jumys isteýiniń basty maqsaty – uzaq merzimdi, senimdi ári tıimdi seriktestik ornatý. Sondaı-aq, atalǵan sharanyń arqasynda elimizde jeńil atletıka salasyn joǵary deńgeıge shyǵaryp, jalpy sport salasyna jańa dem beremiz,-dedi ol.
Sonymen qatar, SHYU Astanalyq marafony «EKSPO-2017» halyqaralyq kórmesi aıasynda eń aýqymdy sporttyq-mádenı shara bolatynyn da atap ótti.
Elsıar Baımuhamedulynyń aıtýynsha, taraptardyń birlesip jumys isteýiniń basty maqsaty – uzaq merzimdi, senimdi ári tıimdi seriktestik ornatý. Sondaı-aq, atalǵan sharanyń arqasynda elimizde jeńil atletıka salasyn joǵary deńgeıge shyǵaryp, jalpy sport salasyna jańa dem beretinin atap ótti. Sonymen qatar, SHYU Astanalyq marafony «EKSPO-2017» halyqaralyq kórmesi aıasynda eń aýqymdy sporttyq-mádenı shara bolatynyn da aıtty.
İnjý Berikqyzy 24,25, 26 tamyzda offlaın tirkelýdiń ashylatynyn aıtty. Sonymen qatar, marafon qarsańynda, qatysýshylarǵa nómirlerdi taratý sharasy uıymdastyrylatynyn jetkizip, álemge tanymal marafonshylardyń sheberlik klasy ótetinin habarlady.
Esterińizge salaıyq, «EKSPO-2017» aıasynda ótetin SHYU men AÓSSHK halyqaralyq marafony 2017 jyldyń 27 tamyzynda tańǵy saǵat 08:30-da ótedi. Marafonnyń marshrýty Astananyń sol jaǵalaýyndaǵy basty kóshelerdi qamtıdy. Sporttyq sharaǵa SHYU múshe árbir memleketten jalpy 30 kásibı sportshyny tartý kózdelgen. Olar úsh túrli qashyqtyqta baqtaryn synaıdy: 42,195,10 shaqyrym jáne 2017 metr. Shetelden keletin qatysýshylar sany 1000 adamdy qurap otyr. Qazaqstandyq taraptan 4000 adam qatysady dep kútilýde. Marafonǵa qatysýshylardyń jalpy sany 5000 adam. Marafonǵa onlaın tirkelý ústimizdegi jyldyń 15-shi shildesinde bastaldy.
