Elbasy joldaýynda aýylsh sharýashylyǵyn damytý týrasynda "óndiriste suranysqa ıe agrarlyq ǵylymı zertteýlerge salynatyn ınvestısıa kólemin arttyrý kerek. Aýyl sharýashylyǵyn ártaraptandyryp, 2021 jylǵa qaraı azyq-túlik taýary eksportyn 40%-ǵa kóbeıtýdi tapsyramyn. Bul mindetter agroónerkásip keshenin damytýdyń jańa memlekettik baǵdarlamasy aıasynda iske asyrylýy qajet", - delingen edi.
QR Premer-Mınıstriniń orynbasary, Aýyl sharýashylyǵy mınıstri A.Myrzahmetov elimizdiń batys aımaǵyna jasaǵan jumys saparynyń jalǵasy retinde Mańǵystaý oblysynda boldy dep habarlaıdy Qamshy.kz aqparat agenttigi.
Vıse-premer Elbasy joldaýyndaǵy damý baǵyttarynyń atqarylýyn qadaǵalady. Túpqaraǵan aýdanynyń Aqshuqyr aýylyndaǵy «Kazah osetr» JSHS-na bardy. Atalǵan seriktestik óńirdegi birden-bir bekire etin shyǵaratyn bekire fermasy bolyp tabylady.
Munan soń oblystyq ákimdikte AÓK-ti damytýdyń memlekettik baǵdarlamasyn iske asyrýǵa arnalǵan otyrys bolyp ótti jáne de onda mal sharýashylyǵy, mal sharýashylyǵy ónimderin qaıta óńdeý, veterınarlyq qaýipsizdik pen balyq sharýashylyǵy máseleleri qaraldy.
Otyrysqa Mańǵystaý jáne Atyraý oblystarynyń turǵyndary, sharýalar men salalyq qoǵamdastyqtar ókilderi qatysty.
Osynaý eki oblystyń Kaspıı mańyndaǵy geografıalyq turǵyda qanattasa ornalasýyn eskere otyryp, birinshi kezekte balyq sharýashylyǵyna basa mán berildi. Ol jerde aǵymdaǵy jaǵdaıǵa baılanysty buǵan deıin dástúrli túrde óndiristik aýlaýǵa negizdelip kelgen balyq sharýashylyǵy salasynyń kóp jyldyq strategıasyn túbegeıli ózgertý kerektigi atap ótildi. Iaǵnı, tabıǵı sýattardan bıoresýrstardy alǵannan bólek, taýarlyq balyq ósirýdi qolǵa alǵan jón.
Jalpylaı alǵanda, taýarlyq balyq sharýashylyǵy memlekettik qoldaýdyń arqasynda eldik aýqymda jaǵymdy dınamıka kórsetip otyr. AÓK-ti damytý baǵdarlamasy aıasynda taýarlyq balyqty óndirýdi 2021 jylǵa qaraı 5 myń tonnaǵa deıin jetkizý josparlanýda.
Atalǵan resmı qujatta balyq jemin sýbsıadıalaý jolymen alǵash ret kásipkerlerdiń shyǵyndaryn jarym-jartylaı óndirý (30%) máselesi de qarastyrylǵan.
Sonymen qatar, jabyq sýmen qamtamasyz etý júıelerin ornatý arqyly balyq ósirý sharýashylyqtaryn qurýǵa beriletin ınvestısıalyq sýbsıdıalar kól mańyndaǵy sharýashylyqtarǵa arnaıy qural-jabdyqtar men arnaıy transport alýǵa da qarastyrylǵan.
Balyq aýlaýshylar úshin jańalyq bolyp otyrǵan jaıdyń biri – tyıym salynǵan aýlaý quraldaryna tyıym salý, onyń ishinde, monotalshyqtardan jasalǵan torlarǵa tyıym salynýy.
Budan áride mal sharýashylyǵy men aýylsharýashylyq kooperasıalary máseleleri talqyǵa tústi. Búginde el aýmaǵynda 517 aýylsharýashylyq kooperasıasy bar bolsa, olardyń 15-i Atyraý oblysynda tirkeýli.
A.j. shildede byltyrǵy jyldyń osy kezeńimen salystyrǵanda Mańǵystaý jáne Atyraý oblystarynda iri qara mal men usaq qara mal basynyń, jylqy, túıe, qus sanynyń ósý tendensıasy baıqalýda.
Qazirgi tańda ASHM 1 345 belsendi qaıta óńdeý kásiporynynan turatyn qaıta óńdeý kásiporyndarynyń málimetter bazasyn qalyptastyrdy.
Sonymen qatar, 435 kásiporynǵa usynylǵan qaıta óńdeýdiń 9 basym túri anyqtalyp naqtylandy. Atap aıtqanda, sút, et, teri, jún, maıly jáne astyq daqyldar, kókónister men jemister, qant qyzylshasy men kartop turǵylary nazarǵa alyndy. Osylaısha árbir oblys pen aýdan kesiminde qaıta óńdeý kásiporyndaryn ornalastyrýdyń kartasy daıyndaldy.
Otyrys barysynda A.Myrzahmetov suraq-jaýap formatynda qatysýshylardyń saýaldaryna jaýap berdi.
Vıse-premer A.Myrzahmetov «Aqbıdaı» astyq termınaly men Aqtaý teńiz termınalynda boldy.
