Arman Sqabyl aǵamyzdyń "Jasulanǵa jasalmaǵan jaqsylyq" degeninen shyǵady. Kúni keshe Jambyl oblysynyń ákimi Kárim Kókirekbaev Jasulan baýyrymyzǵa "Jıp" avtokóliginiń kiltin ustatty. Alla razy bolsyn! Temir-tersegińizdiń bárin qazaq atynan dúngen, káris, orys aǵaıyndar kóterip, týyńyzdy jebliretip júrgende sholaq Balýannyń saraıynda búkil jumyr jerdiń metalomyn basyna tik kótergen tuńǵysh qazaq - Jasulan edi. Aq jaǵalylar telefon kóterip shaýyp júrgende, Jasulandy bosaǵada júrgen sheneýnik te quttyqtamady. Tarıhqa atyn altyn árippen jazǵan Hantáńiriniń muzbalaǵy sol kúni Talǵardaǵy qos bómeli úıinde býlyǵyp jatty. Úlken úıdegiler "qaı aýyldyń balasy eken?.." dep oılanyp tolǵanǵanyp otyrǵansha, batyr qazaǵyn saraıdan tik kóterip alyp shyǵýy tıis edi. Sál keshikti, esesine halyq kóterip ketti. Jazǵan halyqtyń qaltasynda ne bar deısiń?.. At aýystyrýmen basy qatyp júrgen Almaty oblysy jas batyrdy ne qylsyn? Dúnıeniń dodasyna Tarazdyń atynan tústi. Áýlıe -Atanyń qoldaǵany sol emes pe, Raıymbek batyrdyń urpaǵy temir ataýlynyń urshyǵyn shyr aınaldyrdy. Hantáńirde túlegen, Alataýda býsanǵan, saraıda árýaq shaqyrǵan Tolaǵaıdy Taraz jurty ulyqtady.Jazıra qyz ben Jasulandy kúlli qazaq ulyqtasa da artyq emes. Alǵa, Taraz! Jasa, Áýlıe Ata! Biz bul týraly keń tolǵap jazatyn bolamyz, áli...