Zıdandy jurt biledi. Zınedın she. Fransıa quramasyn jeńiske jetelegen aqyldy fýtbolshy. Sol Zıdannyń uly bar. Enso. Italıa jerinde kóp júrdi. Esimin etik sekildengen eldiń qurmetine qoıypty. Múmkin dańqty bapker Beazortty este ustaǵan shyǵar. Ensonyń túbi arap bolǵanymen naǵashysy ıspandar. Zınedınniń uly ázirshe sol naǵashylarynyń tegin jeıdesine jazyp júr. Enso Zınedınuly Fernandes. Nege deısizder ǵoı? Ensonyń ózi aıtatyn kórindi. «Fýtbolda Zıdan atanýǵa eli erte», - dep. Ne degen aqyldy bala. Ákeniń bedelin oılaǵan. Aıtaıyq degenimiz «Ertis» edi ǵoı. Oǵan oralamyz. Ótken aptada «Realdyń» qosalqy quramyn baptaıtyn Zınedın Zıdan «Konkersemen» kezdesýdiń seksen segizinshi mınýtynda qatty tolqydy. Sebebi alańǵa Enso Zınedınulyn shyǵarýǵa týra keldi. Osylaısha Ensonyń fýtboldaǵy ǵumyry bastaldy. On toǵyz jasar oıynshy synǵa túser aldynda bapkerden aqyl tyńdapty. Áke Zıdan áldebir tapsyrmany uzaq túsindirgen. Enso 1995 jyldyń jıyrma tórtinshi naýryzynda Bordoda dúnıege keldi. Endi «Ertiske» keleıik. Zınedıuly on tórt jasqa tolǵanda Dmıtrıı Cheryshevtyń qolyna túsedi. Qazir Dmıtrıı Pavlodarda júr ǵoı. - Ensonyń aqyly kóp. Tipti dene kúshinen oılaý qabyleti jyldam damydy. Alańda fınt kórsetýge umtylatyn. Shamasy kelmese de alystaǵy oıynshyna doppen tabýdy qalaıtyn. Zıdan uly týraly bilip turdy. Kóp tyńdaıtyn. Ábden suraıtyn. Zızý orys bapkeri usynǵan úı tapsyrmalaryn ulynan qatań talap etedi eken. Tipti ózi birigip jasaıtyn kezderi de bolǵan. Áke shamasy ulynyń fýtboldy saýatty oınaýyna múddeli bolsa kerek. Enso fransýz quramasyna kóp jaltaqtaǵan. Aqyry naǵashy jaqtan túsken shaqyrtýdy qup kórip, Ispanıa jastar quramasyna tartyldy. Aıtpaqshy 2011 jyly besinshi qyrkúıekte Zınedınniń uly «Realdyń» negizgi quramymen jattyǵypty. Joze Maýrıno qol astynda. Krıshtıaný Ronaldo men Ezıldiń mańynda. Kakamen de pas almasqan. Shet elde mundaı bastamaǵa óris kóp. «Real» sekildi komandalar keıde jastar tipti jasóspirimder tobymen birge jattyǵady. Ónege kórsin deıdi ǵoı. Bizde she? Shetten kelgen shalaǵaı bapkerler shalqasynan tússin. Áı biraq olardy da túsinýge bolady. Balalarǵa ne úıretsin..
(Amangeldi Seıthanovtyń feısbýktegi paraqshasynan..)
