Býdapeshtte sý sporty túrleri boıynsha álemniń FINA birinshiliginde júzgish Ádil Qasqabaı 100 metr qashyqtyqta qulashtap júzýden mejege 50 sekýndta kelip, Qazaqstan rekordyn ornatty. Bul týraly Qamshy.kz aqparat agenttigi QR Sý sporty túrleri federasıasynyń baspasóz qyzmetine silteme jasap habarlaıdy.
Ádil óziniń burynǵy 50.10 sek. nátıjesin jaqsartyp, qashyqtyqty 49.81 sek. ýaqytymen aıaqtady.
«Búginde qazaqstandyq krol ádisimen júzýshiler úshin Ádildiń nátıjesi - tarıhı qadam. Osy 50 sekýndqa uzaq ýaqyt boıy qol jetkize almaı júrgen edik», - dedi júzý quramasynyń bas bapkeri Oleg Vagızov.
«Ádil bul tosqaýyldy buzdy, endi bizdiń sportshylar tez júzedi dep senemin. Álem chempıonatyna daıyndyq úshin jeti jasóspirimdi jattyqtyrý úshin iriktep aldyq. Onyń ishinde Dmıtrıı Balandın de bar», dedi Vagızov.
Aıta ketsek, júzýshilerdi daıyndaý jónindegi keshendi ǵylymı top QR Mádenıet jáne sport mınıstrligi men QR Sý sporty túrleri federasıasymen birlesip 2013 jyly qurylǵan edi.
