Birneshe qazaqstandyq týrıs Antalıadan elge ushyp kele almaı otyr dep habarlaıdy  Qamshy.kz aqparat agenttigi tengrinews.kz-ke silteme jasap.  Týrıserdiń aıtýynsha, olar Antalıadan Ystambulǵa Túrkıanyń Onur Air áýe kompanıasy arqyly, al Almatyǵa Air Astana áýe kompanıasynyń 8Q225 reısimen ushyp kelýi tıis bolǵan. Qazirgi ýaqytta on qazaqstandyq týrıs Antalıa áýejaıynda. Olar reısti on saǵattan asa ýaqyt kútip otyr.

Sondaı-aq, qazaqstandyqtardyń aıtýynsha, áýe kompanıanyń ókilderi olarmen sóılesýden bas tartyp otyr. Olar óz betinshe Ystambulǵa basqa reıspen kete bereıin dese júkterin qaıtaryp ala almaı otyr eken. Al Antalıadaǵy Qazaqstan konsýldyǵynyń ókilderi qazirgi ýaqytta shamamen 50 adamnyń Ystambulǵa usha almaı otyrǵanyn habarlady. Olardyń 30-y - qazaqstandyqtar.

Reıs keshiktirilgendikten 20 qazaqstandyq óz betinshe Ystambulǵa ushyp ketse, 10 adam áli ýaqytqa deıin áýejaıda reısti kútip otyr. Antalıadaǵy QR konsýly Baýyrjan Ábdirahmanovtyń aıtýynsha, olar qazirgi ýaqytta osy máselemen aınalysyp jatyr. Qazaqstandyqtar Antalıadaǵy meımanhanalarǵa ornalastyrylady. Sondaı-aq, konsýl qazaqstandyq týrıserge aqshalaryn qaıtarý úshin kompanıa ókilderimen sóılesetinderin aıtyp ót