Bul zań shilde aıynan bastap kúshine endi. Shymkentte bas qosqan tabıǵat saqshylary ósimdikter men janýarlardy qorǵaý týraly qujatqa engizilgen ózgeristermen tanysty, dep jazady Qamshy.kz aqparat agenttigi.

Jıynda qoryqshylar kókeılerinde júrgen saýaldaryn ortaǵa saldy. Óıtkeni osy kúzde zańǵa taǵy birqatar tolyqtyrý engizilmek. Erekshe qorǵalatyn aımaqtarda ańshylyqqa, balyq aýlaý kezinde Qytaı toryn qoldanýǵa múldem bolmaıdy. Al buǵan deıin sekseýildiń ózdiginen ósip jetilý kórsetkishi tómendep ketkendikten, ony jappaı kesýge moratorıı jarıalanǵan edi.

Soǵan qaramastan olardy qorǵap qalý múmkin bolmaı tur. Tipti janarmaı beketterinde aǵash ashyq saýdaǵa túsken. Endi oǵan birjola tosqaýyl qoıyldy. Qazir sekseýil alqabyn kóbeıtý maqsatynda Aral teńizi mańynda Ońtústik koreıalyq ınvestorlarmen birlesip, kóshetter otyrǵyzylyp jatyr. Odan bólek nemis kásipkerleri de osy salaǵa qarajat quıa bastapty.