Din isteri jáne azamattyq qoǵam mınıstrliginde Mysyrdaǵy qazaqstandyqtardyń qatysýymen bolǵan jaǵdaı týraly pikir aıtyldy, dep jazady Qamshy.kz aqparat agenttigi. 

Din isteri jáne azamattyq qoǵam mınıstrligi Mysyrǵa til kýrsyna oqýǵa barǵan alty qazaqstandyq stýdenttiń qatysýymen bolǵan jaǵdaı týraly pikir bildirdi.

QR Din isteri jáne azamattyq qoǵam mınıstriniń keńesshisi Baqytjan Qulekeevtiń aıtýynsha, Kaır qalasyndaǵy tildik kýrstarynda oqıtyn qazaqstandyq alty tyńdaýshy Mysyrdyń quqyq qorǵaý oragandarynyń qyzmetkerlerimen ustalyp, sol memlekette ekendigi anyqtaldy.

Vedomstvo ókilderi atalǵan oqıǵa oń sheshilip, azamattarymyz elge aman-esen oralatyndyǵyna úmittenetinin jetkizdi.

«Osy oqyǵa baılanysty Din isteri jáne azamattyq qoǵam mınıstri N. Ermekbaev sheteldik oqý oryndaryna jastarymyzdyń baqylaýsyz shyǵyp ketý máselesin birneshe ret kótergen bolatyn», - dep atap ótti mınıstrdiń keńesshisi.

Jastarymyz, shetelge dinı bilim alý maqsatynda shyǵyp, radıkaldy dinı aǵymdar ıdeologtarynyń yqpalyna túsedi. Bul qazaqstandyqtardyń sheteldegi dinı oqý oryndaryna barýynyń rettelmegen tájirıbesiniń saldary bolyp tabylady. Búgingi tańda 300-ge jýyq azamattarymyz shetelde osyndaı jaǵdaıda bilim alýda. Olar kóbinese Egıpet pen Saýd Arabıasynda bilim alady. Atalǵan azamattardyń bir bóligi túsindirý jumystarynnyń nátıjesinde elge oraldy.

«Atalǵan memleketterde ahýal búgingi tańda kúrdeli ekendigin túsiný qajet. Ol jaqta terorızmge qarsy jáne jalpy kóshi-qon tártibi kúsheıtildi. Osyǵan baılanysty, eger radıkaldy aǵymdardyń jaqtaýshysy bolmasańyz da, markaz dep atalatyn kúmándi oqý ortalyqtarynda, dinı nemese tildik kýrstarynda oqıtyn bolsańyz, jergilikti arnaıy organdar men polısıanyń nazaryna dereý iligesiz», - dep basa aıtty B. Qulekeev.

Osyǵan baılanysty, mınıstrlik osyndaı jastardyń ata-analaryna balalaryn osynaý oqý oryndaryna jibermes buryn máseleniń durystyǵyn muqıat oılastyryp, barlyǵyn aqylǵa salýǵa keńes beredi.

Baqyjan Qulekeev ózimizdiń oqý oryndarymyz bar ekenin eskertti. Mysalǵa, Almatydaǵy «Nur-Múbarak» ýnıversıteti men elimizdegi medreselerdiń júıesi bar. «Sondaı-aq, nelikten tıisti mamandyq alyp, bolashaqta tabys kózderin taba alatyn basqa da bilim alýdy oılamasqa», - deıdi mınıstrdiń keńesshisi.

Qazaqstan musylmandar dinı basqarmasy budan bylaı shetelde kelisimsiz bilim alyp kelgen tulǵalardy jumysqa qabyldamaıtynyn jarıalady.

Qazirgi ýaqytta dinı qyzmet týraly zańnama jobasyn ázirlenýde. Osy jumys sheńberinde, shetelde teologıalyq bilim alýmen baılanysty qoǵamdyq qatynastardy retteıtin normany usynylatyn bolady.

«Birneshe nusqalar bar. Biz olardy basqa vedomstvolardyń sarapshylarymen talqylaý ústindemiz. Olardyń biri Qazaqstanda bakalavrıat deńgeıinde joǵarǵy dinı bilim alǵannan keıin jáne tirkelgen dinı birlestikterdiń joldamalary boıynsha ǵana shetel memleketterinde rýhanı (dinı) bilim alýdy qarastyrady. Magıstratýra jáne doktorantýra deńgeıi boıynsha bilim alýǵa shekteýler qarastyrylmaıdy. Eger dinı birlestikte Qazaqstan aýmaǵynda tıisti bilim beretin mekemesi bolmaǵan jaǵdaıda ǵana oqytý qarastyrylýy múmkin.

Atalǵan norma boıynsha qoıylatyn shetelge shyǵýǵa shekteý azamattardyń bilim alýdaǵy basty quqyqtaryn buzbaıdy.