QR SİM baspasóz qyzmetiniń basshysy Ánýar Jaınaqov Túrkıadaǵy qazaqstandyq týrıserdiń qazirgi jaǵdaıyna qatysty túsinik berdi. Baspasóz qyzmetiniń basshysy bul jaıynda óziniń Facebook jelisindegi paraqshasynda jazdy, dep habarlaıdy Qamshy.kz aqparat agenttigi.

«Búgin túnde Túrkıanyń Antalıa qalasynda qazaqstandyq týrısermen oqys oqıǵa oryn aldy. Atalmysh máselege Qazaqstannyń jergilikti elshisi aralasyp, olarǵa kómek kórsetti.

Bizdiń otandastar Túrkıanyń kezekti áýe kompanıalarynyń tarapynan ádiletsizdikke dýshar boldy.

26 shilde kúni shamamen 12 saǵat buryn ár elden kelgen 100 jolaýshy, onyń ishinde 30-y qazaqstandyqtar Antalıadan Ystambul qalasyna ushý kerek bolatyn. Odan ári qaraı bizdiń otandastar Almaty qalasyna bet alǵan edi.

Alaıda, belgisiz sebepterge baılanysty Onur Air áýe kompanıasy reısty qaıta-qaıta 2 saǵatqa shegerip, keıinnen tún aýa múldem ushpaıtyndyǵyn aıtqan. Barlyq jolaýshylarǵa sebebin túsindirmesten dorbalaryn qaıtaryp berip, ushaqtyń Ystambulǵa ushpaıtynyn jetkizgen.

Nátıjesinde, Túrkıa áýe kompanıalarynan naqty jaýap ala almaǵandyqtan 20 qazaqstandyq týrıser óz betinshe Ystambul qalasyna qaraı ushyp ketken, al quramynda kishkentaı balalary bar 10 týrıs ózderiniń qarajattary jetpegendikten Antalıa qalasyndaǵy Qazaqstan elshiligine baryp kómek suraýǵa májbúr boldy.

Tún ortasynda qazaqstandyq dıplomat bizdiń qandastarymyzben kezdesip, Túrkıanyń týrısik kompanıalarynyń birimen kelisimge kelip, olardy dereý qonaq úıge jatqyzǵan.

Atalmysh áýe kompanıasynyń basshylyǵynan bolǵan jaıtqa qatysty túsinikteme berýdi talap etkenmen, esh nátıje bolmady. Áýe kompanıasynyń ókilderi de bul iske qatysty ózderin kináli sezinip, qandaı da bir túsinik berýge asyǵar emes.

Qazirgi ýaqytta Qazaqstan elshisi Túrkıadaǵy qazaqstandyq týrıserdi elge qaıtarý qamyn qarastyrýda. Elshiniń aıtýynsha, olardyń kópshiligi elge orala salysymen Túrkıanyń áýe kompanıasyna qarsy sotqa aryzdanbaq eken», - dep jazady Ánýar Jaınaqov.

Esterińizge sala ketsek, Túrkıadaǵy jer silkinisiniń saldarynan sol elge demalýǵa barǵan otandastarymyz elge qaıta almaı, bılikten kómek suraǵan bolatyn.