Metalýrgıalyq kremnıı shyǵaratyn «Tau-Ken Temir» JSHS zaýytynda QR Premer-Mınıstri Baqytjan Saǵyntaev tehnologıalyq jańǵyrtý boıynsha qoldanylyp jatqan sharalarmen jáne kásiporyndy damytý perspektıvalarymen tanysty, dep jazady Qamshy.kz aqparat agenttigi Premer-mınıstrdiń baspasóz qyzmetine silteme jasap.
Baqytjan Saǵyntaev kremnıı balqytpasyn shyǵarý, tazartý jáne quıý júzege asyrylatyn óndiristik sehtardy aralap shyqty, sondaı-aq kremnııdi aralyq saqtaý qoımasyna bardy.
«Tau-Ken Temir» JSHS basqarma tóraǵasy Murat Júkenov QR Premer-Mınıstri Baqytjan Saǵyntaevqa tehnologıalyq úderisterdiń erekshelikteri týraly, sondaı-aq kásiporyndy damytý boıynsha aǵymdaǵy jetistikter men josparlar týraly baıandady.
2018-2019 jyldary 1,5 mlrd. teńge somaǵa ınvestısıalyq baǵdarlamany iske asyrý josparlanǵan, ol shıkiquramalyq materıaldar qoımasyn salýdy, parkti jańartýdy jáne tehnologıalyq jabdyqtardy jańǵyrtýdy kózdeıdi.
