Ózbekstanda eks-prezıdent Islam Kárimovtyń qyzy Gúlnar Kárimovany tutqyndady. Bul týraly uıymdasqan qylmys pen jemqorlyqqa qarsy kúres jóninde basqarma ókili habarlaıdy, dep jazady Qamshy.kz aqparat agenttigi.

Kárimovanyń ústinen tonaý, keden zańnamasyn buzý, sheteldik valútany jasyrý, saýda erejesin buzý men jalǵan qujattar jasaý isteri boıynsha qylmystyq is qozǵaldy.

Bas prokýratýranyń málimetinshe, qylmystyq tergeý barysynda úsh kompanıanyń salyǵyn tóleýden jaltarǵany – Kárimovanyń olardyń qylmysyna tikeleı qatysy bolǵanyn kórsetti.

Sondaı-aq Tashkent Kárimova baılanysqan ózge de memleketterdegi qylmystyq toptarǵa qatysy bar aktıvterdi sottaýǵa shaqyrdy.

«Tergeý málimeti boıynsha, 12 sheteldik memleketterde uıymdasqan qylmystyq toptardyń 1,394 mlrd. dollar, 27,1 mln. fýnt jáne 18,5 mln. fýnt qarjyǵa rásimdelgen aktıvteri anyqtaldy», - delingen habarlamada.

Quqyqqorǵaý organdary Shveısarıadan 777,8 mln. dollar, Kolonı qalasynan 18,5 mln. frank turatyn vılla tapqan. Sondaı-aq qylmystyq toptarǵa Fransıa,Gonkong, Shvesıa, Ulybrıtanıa, Latvıa, Irlandıa, BAÁ, Malte jáne Ispanıa elderindegi aqsha men dúnıe-múlikter tirkelgen.

Ózbekstan tergeýshileri Reseıden 6 mln. bolatyn aktıvterdi tapty. Olardyń qataryna «Kamelto» turǵyn úı keshenindegi penthaýs, «Rýblevka» silemindegi jekejaı, Máskeýden 8 páter, qonaq úı, Ialtadaǵy jer telimderi kiredi. Tergeýshilerdiń málimetine sáıkes, Kárimovanyń kinásin qylmystyq toptardyń músheleri rastady.

Aıta keteıik, 2015 jyly «aqsha jymqyrý, tonaý syndy qylmystyq istermen aınalysqan» degen aıyptar taǵylǵan Kárimovany 5 jylǵa sottaǵan.

Gúlnár Kárimova kópshilik aldyna 2014 jyldan beri shyqpaıtyn bolǵan. Ol ákesiniń jerleý rásimine de qatysqan joq. Sol kezdegi aqparattarǵa súıensek, ony úı qamaýyna aýystyrǵan. Sol jyly Shveısarıa bıligi jemqorlyqqa qatysty qylmystyq is qozǵady.

Ózbekstanda tıimdi kelisimge qol jetkizý úshin sheteldik kompanıalar Kárimovaǵa para bergen degen boljam bar. Shveısarıa bıligi onyń esebindegi 650 mıllıon evrony qulyptap tastady.