Ortalyq komýnıkasıalar qyzmeti alańyndaǵy «SarapTime» sarapshylary dóńgelek ústelde bas qosty. Jıynnyń maqsaty, «Qazaqstannyń 100 jańa esimi» Rýhanı jańǵyrý melmekettik baǵdarlamasy aıasynda iske asatyn aýqymdy jobanyń júrgizilý retin talqylaý. «Qazaqstannyń 100 jańa esimine» qoıylatyn talaptardy anyqtap, laıyqtylardy daralady. Sonymen qatar, baıqaýdyń maqsaty men baǵyt-baǵdary da talqyǵa tústi, dep habarlaıdy qamshy.kz
Sarapshylar klýbyna «Qazkontent» AQ basshysy Evgenıı Kochetov, «Búro 100» bastamashyl toptyń múshesi Mahabbat Esen, «Qoǵamdyq kelisim» baspasóz jetekshisi Qymbat Dosjan jáne elimizge belgili aqyn, jýrnalıser qatysty. Jıyn barysynda «100esim.el.kz» saıty óz jumysyn bastahany týraly habarlandy. Onlaın tirkelý sharttary boıynsha ár adam ózi týraly qysqa aqparaty saıtqa júkteı alady. Búginge deıin túrli mamandyq ıelerinen 1000-nan astam ótinim qabyldanǵan.
– «Búro 100» bastamashylar tobynyń múshesi Mahabbat Esen bir aı boıy áleýmettik jeli qoldanýshylarynyń usynǵan kandıdattaryn tizimge alyp, jumys istep júrgeni týraly málimdedi. «Qoǵamǵa paıdasy tıip júrgen adamdardy izdep taýyp eldiń nazaryna usynýdy azamattyq boryshym dep sanaımyn. Bul baıqaý ádil bolatynyna senemin. Eńbegi elenbeı, tasada qalyp júrgen adamdarǵa kórinentin ýaqyt keldi dep oılaımyn, – dedi Mahabbat Esen. Ol «Qazaqstannyń 100 jańa esimi» jobasyna Aqmola oblysynyń turǵyny Anatolıa Dobrovolsev esimdi omartashynyń ómirin úlgi tutýǵa bolatynyn aıtyp, aýylda bal óndirisin jolǵa qoıǵan tabysty adamdy mysalǵa keltirdi.
Al Evgenıı Kochetov jınalǵandarǵa ótinimderdi berý tártibin túsindirdi. Onyń aıtýynsha, jobaǵa engen adam aınalasyndaǵylardy rýhtandyra bilýi kerek. Ótinimdi irikteýdiń negizgi ólshemderi - Táýelsiz Qazaqstannyń damýyna tulǵanyń naqty qosqan úlesi bolyp tabylady. «100 jańa esim» jobasy arqyly ózimiz tanymaıtyn adamdardy bilip jatyrmyz. Jalǵyz Qazaqstannan emes shetelden de ótinishter kelip túsip jatyr. Máselen, jaqynda Berlındegi qazaqtardan usynys kelip tústi. Kópshilik mańyzdy jobaǵa nazaryn bursa degen tilek bildirgimiz keledi», - deıdi Evgenıı Kochetov.
