"Qorǵas" SHYHO AQ aýmaǵynda astyrtyn jumys istegen oıynhananyń áreketine tosqaýyl qoıyldy, - dep habarlaıdy Qamshy.kz aqparat agenttigi Tengrinews.kz saıtyna silteme jasap. Bul jaıynda Almaty oblysy boıynsha MKD Ekonomıkalyq tergeý qyzmetiniń ókili Jaqsylyq Myrzahan málimdedi.

"2017 jyldyń 26 shildesinde Almaty oblysy boıynsha MKD Ekonomıkalyq tergeý qyzmetiniń qyzmetkerleri "Qorǵas" SHYHO aýmaǵynda astyrtyn jumys istegen oıynhanany áshkereledi", - dedi Jaqsylyq Myrzahan.

Jedel-tergeý sharalary barysynda Almaty oblysy Panfılov aýdany "Qorǵas" SHYHO AQ aýmaǵyndaǵy eki qabatty ǵımaratta azarttyq oıyndarǵa arnalǵan arnaıy ústelder tabylyp, tárkilendi. Qolma-qol aqshany esepteıtin 2 apparat, qolma-qol jasalmaıtyn tólemderge arnalǵan 3 POS-termınal tabylyp, tárkilendi.