Vashıngton Ulttyq quryltaı otyrysyndaǵy saılaýǵa jaýap retinde Venesýelaǵa qarsy jańa sanksıalar engizbek, dep jazady Qamshy.kz aqparat agenttigi. Bul týraly  Reuters amerıkalyq sheneýnikterge silteme jasap habarlaıdy.

Agenttiktiń málimetinshe, sanksıa sharalary amerıkalyq shıki munaı jetkizilimderine qatysty bolýy múmkin. Sondaı-aq, joǵarǵy laýazymdaǵy sheneýnikterge de qatysy baryn aıtady.

Vashıngtonnyń Venesýeladaǵy jaǵdaıy jaıyndaǵy pikiri AQSH-tyń memlekettik departamentinde málimdelgen:

«Biz Venesýela sáýletshileriniń óktemshildigine qarsy qatań ári tez sharalardy qoldanýdy jalǵastyramyz. Áńgime daýys berý arqyly ulttyq quryltaı otyrysyna qatysqandarǵa qatysty aıtyldy», - dep jazdy Memlekettk departament ókili Hezer Naýert.

AQSH buǵan deıin Venesýelaǵa qatysty sanksıalar júrgizgen: «zorlyq-zombylyq pen qýǵyn-súrgin», «demokratıaǵa nuqsan keltirgeni», sondaı-aq «sybaılas-jemqorlyq memlekettik qurylymdar» úshin. Venesýela prezıdenti Nıkolas Mýdro sanksıa astynda qalǵan laýazymdy tulǵalardy marapattap, memlekettik ulttyq batyry Sımon Bolıvardyń semserin tabystaǵan.

Aıta keteıik, sońǵy jyldary Venesýela aýyr ekonomıkalyq daǵdarysty bastan keship keledi. Birneshe ýaqyttan beri memlekette azyq-túlik, dári-dármek, basqa da taýarlardyń tapshylyǵy baıqalady.

Al sáýirden beri Madýronyń bılikten ketýin talap etken Venesýela turǵyndary kúnde sherýge shyǵady.

Shildeniń ortasynda opozısıa uıymdastyrǵan referendýmda saılaýshylardyń 98%-y Madýro usynǵan konstıtýsıaǵa qarsy daýys berdi. Prezıdent parlamentti aýystyryp, Konstıtýsıaǵa ózgeris engizýge múmkindik beretin konstıtýsıalaq assambleıa qurýdy kózdeıdi.

Venesýela bıligi 28 shildeden 30 shildege deıin Quryltaı otyrysyndaǵy saılaýǵa baılanysty narazylyq sherýlerin ótkizýge tyıym salǵan. Buıryqqa qulaq aspaǵan adamdy 10 jylǵa bas bostandyǵynan aıyrý jóninde eskertildi.