Aýǵanstannyń soltústik-batysynda ornalasqan Gerat qalasyndaǵy meshitte oryn alǵan terorıstik áreket saldarynan 29 adam kóz jumdy. Eki sodyrdyń biri jarylǵysh zatty iske qosyp, ózin-ózi jaryp jibergen, al ekinshisi meshitke kelýshilerdi atyp tastaǵan. Nátıjesinde 64 adam jaralanǵan. Bul týraly provınsıa meri málimdedi dep habarlaıdy Qamshy.kz aqparat agenttigi NTV-ǵa silteme berip.
Buǵan deıin 20 adamnyń kóz jumǵany habarlanǵan edi. Sońǵy derekterge qaraǵanda shabýyl shııtter qulshylyq etetin meshitke jasalǵan. Ázirge lańkestik áreketti eshbir top moınyna alǵan joq.
