Qyrǵyzstanda prezıdenttik saılaýǵa qatysýǵa nıetti 11 úmitker buryn qylmystyq jaýapqa tartylǵan, solardyń jeteýi sottalǵan. Bul týraly 1 tamyzda Qyrǵyzstan ortalyq saılaý komıtetiniń tóraǵasy Nurjan Shaıldabekova málimdedi dep jazady Qamshy.kz aqparat agenttigi  centralasian.org málimetine súıenip.

Onyń aıtýynsha, úmitkerdiń biri alaıaqtyq jasaǵany úshin eki márte sottalǵan, biraq jazasyn ótep shyqqan.

"Bizdiń zańdar lıberaldy bolǵandyqtan, jazasyn ótep shyqqandar prezıdenttikke úmitker atana alady. OSK zańmen jumys isteıdi", - dedi Shaıldabekova.

Onyń aıtýynsha, prezıdenttikke úmitker 59 adamnyń jeteýi áıel. Segiz úmitker memlekettik qyzmette, jeteýi - komersıalyq uıymdarda, 29-y  komersıalyq emes uıymdarda jumys isteıdi. Toǵyz úmitker ýaqytsha jumyssyz, altaýy - zeınetker.

OSK prezıdenttikke úmitkerlerdi tirkeý úshin qujat qabyldaýyn aıaqtady.